ძიუდოს ფედერაციის პრეზიდენტის დავით ქევხიშვილის სკამი, რომელიც ძიუდოისტებმა მისი კაბინეტიდან გამოიტანეს და სანაგვე ურნებთან დადეს, გამვლელმა წაიღო.

აღნიშნულის ამსახველი ფოტოები სოციალურ ქსელში გავრცელდა.

ძიუდოისტებმა დღეს დავით ქევხიშვილის გადადგომის მოთხოვნით მორიგი აქცია გამართეს. ისინი რამდენიმე საათის წინ შენობაში შევიდნენ, ქევხიშვილის კაბინეტი აჭედეს, ხოლო მისი სკამი გადააგდეს.

გარდა ამისა, ძიუდოისტებმა უნდობლობა გამოუცხადეს 10 დღის წინ შექმნილ კომისიას, რომელსაც ფედერაციაში არსებული პრობლემები უნდა შეესწავლა.

სპორტსმენები თვლიან, რომ კომისიამ პირველი შეხვედრის შემდეგ,  ფაქტობრივად დადო გარკვეული დასკვნა, რომელიც კატეგორიულად ეწინააღმდეგება მათ არგუმენტებს.

„ჩვენ დავუპირისპირდით ქევხიშვილს, მისი გადადგული ნაბიჯების, მისი მოქმედებების გამო ჩვენი გუნდის მიმართ, ჩვეი ნაკრების მიმართა. აქ მარტო ჩვენ არ ვართ, აქ არიან ახალგაზრდული ნაკრების წევრები, აქ არიან ქალტა ნაკრების წევრები. პროტესტი გრძელდება და უპირობოა ჩვენი მოთხოვნა, უნდა გადადგეს დავით ქევხიშვილი დაკავებული თანამდებობიდან. 20 დღეა, ჩვენ უკვე აღარ ვვარჯიშობთ,  ყურადღება ჩვენ მიმართ არის ნაკლები იმ ადამიანების მხრიდან, ვისაც ხელეწიფება ამ პრობლემის მოგვარება, ჩვენ ვაგრძელებთ ჯანსაღ პროტესტს",- განაცხადა ძიუდოისტთა ნაკრების კაპიტანმა, ვარლამ ლიპარტელიანმა.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო