საქართველო პირველი რესპუბლიკის დაარსებიდან 100 წლის იუბილეს აღნიშნავს. ღონისძიებები წლის განმავლობაში მთელ საქართველოს მოიცავს. პირველი, რაც  ჩვენს ქვეყანაში ჩამოსულ უცხოელ ვიზიტორებსა თუ ადგილობრივებს თვალში მოხვდებათ, თემატურად გაფორმებული საერთაშორისო თუ შიდა აეროპორტებია.

ასი წლის იუბილისადმი მიძღვნილი თემატიკით გააფორმეს ბათუმის ალექსანდრე ქართველის სახელობის საერთაშორისო აეროპორტიც.

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ცნობით, თბილისისა და ქუთაისის შემდეგ დასრულდა ბათუმის საერთაშორისო აეროპორტის საზეიმოდ გაფორმება. რამდენიმე დღეში კი ამბროლაურისა და მესტიის აეროპორტებიც თემატურად გაფორმებაც დასრულდება.

..ჩვენ დღეს დავასრულეთ ბათუმის ალექსანდრე ქართველის აეროპორტის დაბრენდვა, რომელიც საკმაოდ განსხვავებული და ლამაზი გამოვიდა. გარდა იმისა, რომ აქაც, სხვა საერთაშორისო აეროპორტების მსგავსად გამოვიყენეთ საქართველოს დამოუკიდებლობის ასი წლის აღდგენისადმი შექმნილი საერთო ვიზუალები, ჩვენ დავამატეთ პირველი ქართველი ავიაკონსტრუქტორის, გამომგონებლისა და მფრინავის, ამერიკული ავიაციის ქართველი გენიოსის - ალექსანდრე ქართველიშვილის ცნობილი ფოტოც,-‘’განაცხადა ,,საქართველოს აეროპორტების გაერთიანების“ დირექტორმა ქეთევან ალექსიძემ.

საქართველოს დამოუკიდებლობის დღე 26 მაისს სწორედ დამოუკიდებლობის აღდგენის 100 წლისთავის თემატიკით დატვირთული სხვადასხვა სახის ღონისძიებით აღინიშნება.

(NS)

ავტორი: ,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა