„იძულებული ვიყავით, ბატონო ნუკრი, რათა საზოგადოებაში არსებული კონსერვატიული ჯგუფების და გამოხატვის თავისუფლების ცოტა უფრო აგრესიული ფორმები ერთდროულად დაგვერეგულირებინა“, - ასე უპასუხა შს მინისტრმა გიორგი გახარიამ საპარლამენტო უმრავლესობის წევრ ნუკრი ქანთარიას, რომელმაც მინისტრს ჰკითხა, თუ რამდენად შეიძლებოდა კლუბების გარეთ ახალგაზრდების დარბევის თავიდან აცილება.

გახარიას თქმით, ახალგაზრდების რეაქცია ქვეყნის მძიმე წარსულის ბრალია, რომლის გამოსწორებაც სწორედ იმ ახალგაზრდების საშუალებით უნდა მოხდეს, რომლებიც რუსთაველზე სპეცოპერაციას აპროტესტებდნენ.

„12 მაისის მოვლენების შემდეგ, როდესაც ჩვენ ამბის ანალიზი მოვახდინეთ, ჩვენთვის გასაგები იყო ეს რატომ მოხდა. მართლა არსებობს საზოგადოებაში დიდი რეზისტენტულობა როგორც კი სამართალდამცავი ორგანო, არ აქვს მნიშვნელობა, ლეგიტიმურად თუ არალეგიტიმურად, დიდი მოცულობით ჩნდება ქუჩაში და იწყებს სამართლის აღსრულებას. იმ გამოცდილებას, დაწყებული 9 აპრილიდან და 26 მაისს დამთავრებული მართლა დიდი ენერგია აქვს და ეს არის ჩვენი მძიმე წარსული, რისი გამოსწორების საშუალებაც გვაქვს იმ ახალგაზრდებთან ერთად, იმ ჰიპსტერებთან ერთად, რომლებიც რაღაც მომენტებში ტაშს უკრავდნენ პოლიციის თანამშრომლებს, რამეთუ მათ იგრძნეს ერთი რამ და ეს იყო ფაქტი და მინდა რომ გაითვალისწინოთ, 12 მაისს პოლიცია ასრულებდა სპეციალურ ღონისძიებას, 13 მაისს პოლიცია იცავდა გამოხატვის თავისუფლებას და უბრალოდ ზრუნავდა თავის მოქალაქეებზე. ეს იყო ორი დიდი განსხვავება და კადრებს როცა შეხედავთ დაინახავთ ამას“,- განაცხადა გახარიამ.

მინისტრის თქმით, პოლიციელის მხრიდან უფლებამოსილების გადაცდომას ადგილი არ ჰქონია.

„იქ სადაც ადგილი ჰქონდა პოლიციელის მიმართ დაუმორჩილებლობას, რა თქმა უნდა პოლიციამ მაშინვე შედიოდა მანდატში იმიტომ, რომ უბრალოდ ემოციურად საკმაოდ დაძაბული სიტუაცია იყო“,- აღნიშნა მინისტრმა. 

ავტორი: ,

სოციალური ქსელები

ზურაბ პატარაძე აჭარის მთავრობის თავმჯდომარე გახდა

სინოდის სხდომას წილკნელი მიტროპოლიტი ზოსიმე არ ესწრება, ხმას 38 მღვდელმთავარი აძლევს

გლდანის რაიონში გაზმომარაგება ავარიულად 20 000 აბონენტს შეუწყდება

წინანდლის მამულში ვარდობისთვე გაიმართება - პროექტის გენერალური სპონსორი და მხარდამჭერია SOLO