საბანკო გარანტიის სქემა მცირე და საშუალო ბიზნესისთვის ფინანსებზე წვდომას  მნიშვნელოვნად გააიაფებს, - ამის შესახებ ფინანსთა მინისტრმა მამუკა ბახტაძემ განაცხადა.

მისი თქმით, ამ მიმართულებით შესაძლებელია სხვა ქვეყნების გამოცდილების გაზიარება.

„აღნიშნული საბანკო გარანტიის სქემა მცირე და საშუალო ბიზნესს ფინანსებზე წვდომას გაუიაფებს, რადგან კომერციულ ბანკებს რისკს უზღვევს, როდესაც ისინი მცირე და საშუალო ბიზნესს აფინანსებენ. ჩვენ ძალიან პოზიტიური მოლოდინები გვაქვს. თქვენ იცით, რომ ევროკომისიამ დაადასტურა მზადყოფნა, რომ აღნიშნული მექანიზმი გამოიყენოს საქართველოში, ევროპის საინვესტიციო ბანკმა განაცხადა, რომ მზად არიან საქართველოში დაიწყონ აღნიშნული სქემის იმპლემენტაცია და ვფიქრობ, ეს იქნება მართლაც ახალი ფურცელი ჩვენი ეკონომიკის განვითარებაში", – განაცხადა ფინანსთა მინისტრმა, მამუკა ბახტაძემ.

როგორც მან აღნიშნა, 14-16 მაისს, საქართველოში პირველად იმართება მსოფლიო ბანკის აღმასრულებელ დირექტორთა საბჭოს შეხვედრა, რაც ნიშნავს იმას, რომ მსოფლიო ბანკის, ისევე როგორც სხვა საერთაშორისო საფინანსო ინტიტუტის მხრიდან  საქართველოს აქვს  სრული მხარდაჭერა დაანონსებული და განხორციელებული რეფორმების მიმართ.

დღეს, სასტუმრო „თბილისი მარიოტში" საქართველოს ფინანსთა მინისტრი მამუკა ბახტაძე სიტყვით გამოვიდა მსოფლიო ბანკის ჯგუფის მიერ ორგანიზებული კონფერენციაზე „ბარიერების მოხსნა მცირე და საშუალო ბიზნესის დაფინანსებისთვის საქართველოში."

კონფერენციას დაესწრნენ მსოფლიო ბანკის რეგიონული დირექტორი სამხრეთ  კავკასიაში მერსი ტემბონი, საერთაშორისო საფინანსო კორპორაციის წარმომადგენლობის ხელმძღვანელი სამხრეთ კავკასიაში იან ვან ბილსენი.

„მინდა მადლობა გადავუხადო მსოფლიო ბანკს დღევანდელი ღონისძიების ორგანიზებისთვის, სადაც საუბარი შედგება მცირე და საშუალო მეწარმეობის განვითარებაზე და იმ ბარიერებზე, რაც გავაქვს ჩვენ ეკონომიკაში, რათა კიდევ უფრო მეტად  განვავითაროთ მცირე და საშუალო მეწარმეობა," - განაცხადა ფინანსთა მინისტრმა მამუკა ბახტაძემ.   

(NS)

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა