დღეს უმაღლესი საგანმანათლებლო დაწესებულების 50-მა სტუდენტმა ახალი პროფესიების დასაუფლებლად აჭარის დასაქმების სააგენტოს ,,სტუდენტთა დასაქმების ხელშეწყობის’’ პროგრამის ფარგლებში, სწავლა დაიწყო.

ბართენდერი, სარესტორნო მომსახურება, მიღება-განთავსების სპეციალისტი, კულინარიის ხელოვნება, საფინანსო საქმე და საქართველოს კულტურული მემკვიდრეობის გიდი - ეს ის პროფესიებია, რომელშიც მოხდება სტუდენტების გადამზადება.

დასაქმების ხელშეწყობისა და სამუშაო გამოცდილების მიღების მიზნით, დასაქმების სააგენტო საპილოტე პროგრამას - “სტუდენტთა დასაქმების ხელშეწყობას“ ახორციელებს.

პროგრამის ფარგლებში სტუდენტები ახალ პროფესიულ უნარებს სწავლასთან თავსებადი გრაფიკით დაეუფლებიან.

პროგრამა სპეციალურად სტუდენტებისთვის მოკლევადიანი სასწავლო მოდულით არის შემუშავებული, რომელიც მოიცავს: თეორიულ და პრაქტიკულ კურსს პროფესიული მიმართულებით; უცხო ენის ცოდნის დონის ამაღლებას პროფესიისათვის საჭირო ტერმინოლოგიითა და სამუშაო გამოცდილების მიღებას საწარმოო პრაქტიკის უზრუნველყოფის გზით.

პროგრამის ფარგლებში, სტუდენტები თვითპრეზენტაციის უნარ-ჩვევების განვითარების მიზნით, დამატებით გაივლიან მოკლევადიან სპეციალიზირებულ ტრენინგ კურსს შემდეგი მიმართულებით - რეზიუმეს, სამოტივაციო წერილის შედგენა და გასაუბრებაზე მოქცევის წესები.

(NS)

ავტორი: ,

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო