„დღეს საქართველო ევროკავშირის ასოცირებული წევრია, თუმცა, ჩვენ, ქართველებს ძალიან დიდი იმედი გვაქვს, რომ უახლოეს მომავალშaი ევროგაერთიანების სრულფასოვანი წევრები გავხდებით,“ - განაცხადა პირველმა ვიცე-პრემიერმა დიმიტრი ქუმსიშვილმა, რომელიც  რიყეზე ევროპის დღეებისადმი მიძღვნილ ღონისძიებას დაესწრო. 

პირველი ვიცე-პრემიერის განცხადებით, საქართველო ევროკავშირს ყოველდღიურად უახლოვდება.

„მნიშვნელოვნად იზრდება ვაჭრობა - მხოლოდ პირველ სამ თვეში ვაჭრობა ევროკავშირთან 28 პროცენტით გაიზარდა. ყოველწლიურად ევროკავშირი საქართველოს 100 მილიონი ევროთი ეხმარება. ასევე აქტიურად მიმდინარეობს საქართველოს კანონმდებლობის ჰარმონიზაციის პროცესი ევროკავშირთან. ჩვენი მიზანი ევროკავშირის სრულფასოვანი წევრობაა,“ - განაცხადა დიმიტრი ქუმსიშვილმა. 

პირველმა ვიცე-პრემიერმა დიმიტრი ქუმსიშვილმა ინოვაციებისა და ტექნოლოგიების სააგენტოს სამეცნიერო ლაბორატორია დაათვალიერა, რომელიც სპეციალურად პატარებისთვის იყო შექმნილი. იქვე მუშაობდა ტექნოპარკის ფაბლაბში შექმნილი ნამუშევრების გამოფენა, ვორქშოფები სხვადასხვა ასაკის ბავშვებისთვის, ციფრული ხატვის კუთხე.

გარდა ამისა, სპეციალურად ფუნქციონირებდა უსინათლოთა საინფორმაციო კუთხე, ხოლო აქტივობების თარგმნა შესაძლებელი იყო ჟესტურ ენაზე. 
პირველმა ვიცე-პრემიერმა დიმიტრი ქუმსიშვილმა ასევე მონაწილეობა მიიღო საბავშვო ვორქშოფში მონაწილე ბავშვებისთვის სპეციალური სერტიფიკატების გადაცემის ცერემონიალში.

(NS)

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა