2018-04-16 10:31:39, 1934 ნახვა

---

შტაინმაიერი: მიუხედავად პუტინის ქმედებებისა, მთლიანად რუსეთი და რუსი ხალხი მტრად არ უნდა გამოვაცხადოთ

გერმანიის პრეზიდენტი, ფრანკ-ვალტერ შტაინმაიერი რუსეთის და მისი მოსახლეობის მტრად გამოცხადების წინააღმდეგია.

Deutsche Welle-ს ცნობით,  პრეზიდენტი დასავლეთის ქვეყნებიდან რუსეთის ჩამოშორების გამო, შეშფოთებას გამოთქვამს.

„დიდ ქვეყნებს დიდი პასუხისმგებლობაც აკისრიათ. თუ სირიის საკითხში ვაშინგტონი და მოსკოვი ერთმანეთისკენ გზას ვერ გამოძებნიან, მაშინ სირიაში სიტუაციის გაუმჯობესების შანსები ნულის ტოლი იქნება“, - განაცხადა გერმანიის პრეზიდენტმა.

შტაინმაიერის თქმით, სირიაში პირველად შვიდი წლის განმავლობაში აშშ-ს და რუსეთის პირდაპირი კონფრონტაციის საფრთხე გაჩნდა. მანვე აღნიშნა, რომ  მთელი ქვეყენა ხელისუფლებასთან არ უნდა გააიგივონ.

„მიუხედავად პუტინის ქმედებებისა, ჩვენ არ უნდა გამოვაცხადოთ მთლიანად რუსეთი და რუსი ხალხი მტრებად. ჩვენ არ უნდა შევწყვიტოთ რუსეთთან დიალოგი და ამავდროულად პირადი კონტაქტებისას კრემლს უნდა გავაგებინოთ, თუ რა შედეგები მოჰყვება მის ქმედებებს რუსეთ-ევროპის ურთიერთობებისთვის“, - აღნიშნა შტაინმაიერმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი