ევროკავშირი საქართველოსთვის 45 მილიონ ევროს გამოყოფს

2018-04-12 14:44:56, 1941 ნახვა

ეკონომიკა

ევროკავშირმა ეკონომიკური სტაბილურობის მხარდასაჭერად, საქართველოსთვის მაკროფინანსური დახმარების გამოყოფის გადაწყვეტილება მიიღო, - ამის შესახებ ევროკავშირის საბჭოს განცხადებაშია ნათქვამი.

„ევროკავშირის საბჭომ მიიღო გადაწყვეტილება საქართველოს 45 მილიონი ევროს ოდენობის მაკროფინანსური დახმარება გამოეყოს. ეს თანხა დაეხმარება საქართველოს ფინანსური საჭიროებები დაფაროს, ასევე ეკონომიკური სტაბილიზაციის და სტრუქტურული რეფორმების პროგრამები უზრუნველყოს", - ნათქვამია განცხადებაში.

ევროკომისია საქართველოსთვის აღნიშნული დახმარების გაწევის ინიციატივით გასული წლის სექტემბერში გამოვიდა. აღსანიშნავია, რომ 2008 წლიდან ეს უკვე მესამე დახმარებაა, რომელიც საქართველოს ევროკავშირმა გამოუყო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები