ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის შეფასებით,  გედი ფოფხაძეს უმრავლესობის დატოვებაზე ნაჩქარევი გადაწყვეტილება არ უნდა მიეღო.

„დღესაც მოხარული ვიქნები, თუ ის გადაიფიქრებს, ყოველ შემთხვევაში ამის ძალიან დიდი სურვილია გუნდში“, -აღნიშნა სუბარმა და აქვე დასძინა, რომ „რომც არ გადაიფიქროს, ის მაინც დარჩება მათ თანამებრძოლად და მეგობრად“.

ამასთან, სოზარ სუბარი არ იზიარებს განცხადებებს, რომ უმრავლესობა დაყოფილია „ახლებად და ძველებად“. მინისტრის მტკიცებით,  მმართველ გუნდში არანაირი გასარიცხთა სია არ არსებობს:

„ახლები და ძველები მე ვიცი ილია ჭავჭავაძის ბანაკი და გრიგოლ ორბელიანის ბანაკი, ანუ ძველები და ახლები - თერგდალეულები და თერგდაულევლები, მაგრამ სხვა ახლები და ძველები არ ვიცი. არანაირი გასარიცხთა სია არ არსებობს. მგონია, რომ რაღაც ტიპის განცხადებები იყო ზედმეტად ემოციური და გარკვეულ საზღვარს გადაცდენილი, მათ შორის, როდესაც საუბარი იყო იმპიჩმენტზე, როდესაც საუბარი იყო გედი ფოფხაძესთან დაკავშირებით, რომელიც არის ჩემი ძალიან დიდი ხნის მეგობარი და თამებრძოლი 2011 წლიდან“, - განაცხადა სოზარ სუბარმა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს