1989 წლის 9 აპრილის ტრაგედიიდან 29 წელი გავიდა. საქართველოს თავდაცვის მინისტრმა ლევან იზორიამ 9 აპრილს დაცემულ მამულიშვილთა მემორიალი ყვავილებით შეამკო და დაღუპულთა ხსოვნას პატივი მიაგო.

ლევან იზორიას განცხადებით, 9 აპრილი ჩვენი ერის ერთსულოვნებისა და თავისუფლების იდეის გარშემო კონსოლიდაციის სანიმუშო მაგალითია.

„9 აპრილი არის საქართველოს დამოუკიდებლობისათვის, მისი თავისუფლებისათვის ბრძოლის ერთ-ერთი მნიშვნელოვანი ფურცელი ჩვენი ქვეყნის ისტორიაში. 9 აპრილს დაღუპულმა ახალგაზრდება გადაწყვიტეს საბჭოთა კავშირის დაშლა და დიდი წვლილი შეიტანეს საქართველოს დამოუკიდებლობის აღდგენის საქმეში. დღესაც და მომავალშიც ჩვენს თავისუფლებასა და მონაპოვარს უნდა გავუფრთხილდეთ, უნდა ვიყოთ მოწოდების სიმაღლეზე, რომ დავიცვათ ჩვენი ქვეყნის ღირსება და ვიყოთ ერთსულოვანნი ყველა ქართველისთვის სანუკვარი იდეის - ჩვენი ქვეყნის დამოუკიდებლობისა და თავისუფლების გაშემო“, - განაცხადა ლევან იზორიამ.

საქართველოს თავდაცვის მინისტრთან ერთად 9 აპრილს დაღუპულთა ხსოვანს პატივი მიაგეს საქართველოს შეიარაღებული ძალების გენერალური შტაბის წარმომადგენლებმა.

29 წლის წინ საქართველოს დამოუკიდებლობისთვის ბრძოლას 21 ადამიანის სიცოცხლე ემსხვერპლა, ათასობით ადამიანი მოიწამლა. მშვიდობიანი მომიტინგეები საბჭოთა კავშირიდან გამოსვლასა და საქართველოს დამოუკიდებლობის აღდგენას ითხოვდნენ.

(NS)

ავტორი: ,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას