„ბოდიში აქვს ყველა იმ ადამიანს მოსახდელი ვინც ამტკიცებდა, რომ ქორიძეს და "ბახალას" ნარკოტიკი ჩაუდეს“, - ასე ეხმაურება საპარლამენტო უმრავლესობის წევრი ვანო ზარდიაშვილი ირაკლი ქორიძისა და გიორგი გიორგანაშვილის საქმეებს, რომლებიც ორგანიზებული ნარკოდანაშაულს ეხება.

მისივე თქმით, საქართველოში ნარკოტიკების გამსაღებლების მიმართ ყოველთვის უმკაცრესი სასჯელები იქნება მზად:

„დაუმსახურებლად სასამართლოს ქვები და პოლიციას ტალახი ესროლეს. რეიტინგულ ტელეგადაცემებში სახელმწიფო უწყებებს ცილს სწამებდნენ. შსს გამოძიებით დადგინდა, რომ ეს იყო კარგად ორგანიზებული ნარკოდანაშაულებრივი ჯგუფი, რომლებსაც განსაკუთრებით დიდი ოდენობა დაახლოებით 10 000ადამიანის მოსაწამლი ნარკოტიკი შემოჰქონდათ  საქართველოში. სამწუხაროა, ასევე ასეთი ადამიანის შეწყალება მოხდა პრეზიდენტი მარგველაშვილის მხრიდან და საზოგადოება ელოდება პასუხს ამ საკითხზე, ეს იყო ერთეული  შეცდომა თუ მსგავს შეცდომებს კიდევ უნდა ველოდეთ შეწყალებისსაკითხებში.

„თეთრი ხმაური" და პლათფორმა, რომლებიც ნარკოპოლიტიკის პროცესში აქტიურად ცდილობს ჩართვას მეტი პასუხისმგებლობა გამოიჩინონ დასაკითხები ობიექტურად შეაფასონ.

ქართულ საზოგადოებაში, სახელმწიფოში ნარკოტიკების გამსაღებლები ყოველთვის იქნებიან ეგრეთწოდებულ ბარიგებად მოხსენიებული და მათ მიმართ უმკაცრესი სასჯელები იქნება მზად“, - აღნიშნა  ვანო ზარდიაშვილმა.

ორგანიზებული ნარკოდანაშაულის ჩადენის ბრალდებით დაკავებულ კატასტროფის მედიცინის დირექტორის შვილს ირაკლი ქორიძეს  აღკვეთის ღონისძიების  სახით, 2 თვიანი პატიმრობა შეეფარდა.

მსახიობ გიორგი გიორგანაშვილს, იგივე „ბახალას“ კი ორგანიზებული ნარკოდანაშაულის ჩადენისთვის ახალი ბრალი, სავარაუდოდ, დღეს წარედგინება.

შინაგან საქმეთა სამინისტროს ინფორმაციით,  გიორგი გიორგანაშვილი არის თანამზრახველი დანაშაულებრივი ჯგუფის ორგანიზატორის, ირაკლი ქორიძის,  რომელმაც დაგეგმა და ჯგუფის წევრებთან ერთად  ქვეყანაში უკანონოდ შემოიტანა განსაკუთრებით დიდი ოდენობით ნარკოტიკული საშუალება.

ავტორი: ,

სოციალური ქსელები

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს

დიუშენის სინდრომის მქონე ბავშვების მშობლებმა საქართველოს პროკურატურას მიმართეს