საქართველოს პრემიერ-მინისტრი გიორგი კვირიკაშვილი მთავრობის დღევანდელ სხდომაზე საქართველოს მოქალაქე არჩილ ტატუნაშვილის გარდაცვალების საკითხს კიდევ ერთხელ გამოეხმაურა.

მისი თქმით, ადამიანები, რომლებმაც არჩილ ტატუნაშვილი აწამეს, ქართულ-ოსური შერიგებისა და საქართველოს გამთლიანების მტრები არიან. პრემიერის განმარტებით, საქართველოს ხელისუფლება, რაოდენ რთულიც არ უნდა იყოს შექმნილ ვითარებაში ამაზე საუაბრი, შერიგების პოლიტიკას გააგრძელებს:

 „ორიოდე დღის წინ მიწას მივაბარეთ ქართველი ვაჟკაცის ნეშტი- არჩილ ტატუნაშვილის , რომელიც სიკვდილის შემდეგ ღირსების ორდენით იქნა დაჯილოდებული, ვინაიდან მტრებმა ვერ გატეხეს, ვერ შელახეს მისი ღირსება და მართლაც ვფიქრობ, რაც დრო გავა, მით უფრო მეტად გააცნობიერებს ყველა ადამიანი, თუ რამხელა გმირი გახლავთ არჩილ ტატუნაშვილი. მაგრამ მნიშვნელოვანია ითქვას,რომ ადამიანებმა, რომლებმაც აწამეს ქართველი ვაჟკაცი, მიზნად დაისახეს, და ეს ადამიანები გახლავთ ქართულ-ოსური შერიგების და საქართველოს გამთლიანების მტრები. ამიტომ, ქართული სახელმწიფო, პირველ იგში უნდა ითქვას, რომ  გააგრძელებს ( რაოდენ რთულიც არ უნდა  იყოს დღევანდელ დღეს ამის თქმა, და ტკივილით აღსავსე თითოეული სიტყვა, რომელსაც მე ვამბობ) თანმიმდევრულად შერიგების პოლიტიკას",-განაცხადა გიორგი კვირიკაშვილმა.

მან შერიგებისა და სამოქალაქო თანასწორობის საკითხებში სახელმწიფო მინისტრ ქეთევან ციხელაშვილს სთხოვა, ოკუპირებულ ტერიტორიებთან დაკავშირებით საკანონმდებლო ინიციატივა  მოკლე პერიოდში წარმოადგინოს:

“ მე ვთხოვ ქეთევან ციხელაშვილს , დიდი ხნით არ გადავდოთ იმ ნაბიჯების , პაკეტის განხილვა, რომელიც თქვენ გაქვთ მომზადებული და მოვუწოდებ პარლამენტს, რომ დავჯდეთ და თანმიმდევრულად გავაგრძელოთ იმ ნაბიჯების გადადგმა, რომელსაც ვახორციელებდით ამ უმძიმეს ინციდენტამდე და მეორეს მხრივ, რა თქმა უნდა, ჩვენი სახელმწიფო იქნება ძალიან მტკიცე კონკრეტულად იმ ადამიანების მიმართ, რომლებმაც ჩაიდინეს დანაშაული. და რა თქმა უნდა, სამართლებრივი კუთხით გადადგამს იმ ნაბიჯებს, მათ შორის საერთაშორისო მასშტაბით, რომ დამნაშავეები იქნან დასჯილი”,-აღნიშნა გიორგი კვირიკაშვილმა.

ავტორი: ,

სოციალური ქსელები

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ