2018-03-23 14:33:21, 1348 ნახვა

---

ონოფრიშვილი: „ენერგო პროს“-ს პასუხისმგებლობა არ იკვეთება - ძაბვის ვარდნა ჩვენს ტრასფორმატორში მოხდა

მთის კურორტების განვითარების სააგენტოს ხელმძღვანელის სანდრო ონოფრიშვილის ინფორმაციით, „საძელეს“ საბაგიროს ინციდენტის დროს „ენერგო პრო“-ს ქსელში ძაბვის ვარდნა არ მომხდარა.

როგორც ონოფრიშვილმა განმარტა, ძაბვის ვარდნა საბაგიროს ტრანსფორმატორში დაფიქსირდა.

მისივე თქმით, თანამშრომლების გადამზადება სისტემატიურად მიმდინარეობდა.

„რა მოხდა ამას გამოძიება დაადგენს. რაც შეეხება ჩვენი თანამშრომლების მომზადებას და ტრენინგს, გეტყვით, რომ დაახლოებით 30-მდე ადამიანი შემოდგომაზე იყო დოპელმაიერის სათავო ოფისში, სადაც გაიარეს ტრენინგი, აგრეთვე ჩვენ ჩამოგვყავდა რამდენჯერმე ამ წლების განმავლობაში. თითო წელიწადში ორჯერ მაინც. როდესაც ჩამოდიოდნენ ფრანგი ექსპერტები , ავსტრიელი ექსპერტები, რომლებიც უტარებდნენ ჩვენს საბაგიროს თანამშრომლებს და სამაშველო სამსახურის წარმომადგენლებს ტრენინგებს. "ენერგო პროს" მის ქსელში ძაბვის ვარდნას ადგილი არ ჰქონია. ეს არის ჩვენი ქსელი, ჩვენი ტრანსფორმატორი და იქ იყო ძაბვის ვარდნა. ამიტომ ამ წუთას, "ენერგო პროს" პასუხისმგებლობა არ იკვეთება",-განაცხადა ონოფრიშვილმა.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი