„რესპუბლიკელმა“ სენატორმა ჯონ მაკკეინმა, აშშ-ის პრეზიდენტი დონალდ ტრამპი ვლადიმერ პუტინისთვის მილოცვის გამო გააკრიტიკა.

მაკკეინმა, რუსეთში ჩატარებულ არჩევნებს ყალბი, ხოლო პუტინს დიქტატორი უწოდა.

„აშშ-ის პრეზიდენტი არ იქცევა თავისუფალი სამყაროს ლიდერის მსგავსად, როდესაც დიქტატორებს ულოცავს ყალბ არჩევნებში გამარჯვებას“, – ნათქვამია მაკკეინის განცხადებაში.

სენატორის თქმით,  „ამით პრეზიდენტმა ტრამპმა რუსეთის ყველა ის მოქალაქე შეურაცხყო, ვისაც შესაძლებლობა არ მიეცა თავისუფალ და სამართლიან არჩევნებში მიეცა ხმა, რათა განესაზღვრათ თავიანთი ქვეყნის მომავალი“.

შეგახსენებთ, რუსეთში საპრეზიდენტო არჩევნები 18 მარტს ჩატარდა. არჩევნებში კვლავ მოქმედმა პრეზიდენტმა, ვლადიმერ პუტინმა გაიმარჯვა. რუსეთის ცესკოს ცნობით, პუტინმა ამომრჩეველთა ხმების 76.6% მიიღო. აშშ-ის პრეზიდენტმა დონალდ ტრამპმა ვლადიმერ პუტინს რუსეთის საპრეზიდენტო არჩევნებში გამარჯვება გუშინ სატელეფონო საუბრისას მიულოცა.

ავტორი: ,

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება