შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის ინფორმაციით, არჩილ ტატუნაშვილის ცხედარს ლევან სამხარაულის ბიუროში ჩაუტარდება ექსპერტიზა.

მისივე თქმით, ცხედარს ოჯახში ექსპერტიზის დასრულების შემდეგ გადაასვენებენ.

"ამ წუთებში მოხდა არჩილ ტატუნაშვილის ცხედრის გადმოცემა წითელი ჯვრის საერთაშორისო კომიტეტის მეშვეობით. პირველ რიგში ცხედარს ლევან სამხარაულის ექსპერტიზის ბიუროში ჩაუტარდება ექსპერტიზა. ამის შემდეგ მოხდება ცხედრის გადასვენება ოჯახში, სადაც მოლოდინი არის დიდი. ამ წუთებში მნიშვნელოვანია ოჯახს ჰქონდეს მიცვალებულის დატირების და მასთან გამომშვიდობების შესაძლებლობა. ჩვენს, სახელმწიფოს და საზოგადოებას უნდა გვქონდეს შესაძლებლობა, რომ ღირსეული პატივი მივაგოთ მას. იცით, რომ ამ პერიოდის განმავლობაში ყველა სახელმწიფო უწყება იყო ინტენსიურად ჩართული ამ საკითხში.  ყველას მინდა მადლობა გადავუხადო ვინც ამ საქმეში თავისი წვლილი შეიტანა. ძალიან მნიშვნელოვანია, რომ ამ ტრაგიკული საქმის გამოძიება მოხდეს", - განაცხადა ციხელაშვილმა.

რაც შეეხება, საოკუპაციო რეჟიმის მიერ სამედიცინო ექსპერტიზის დასკვნას, მინისტრმა აღნიშნა, რომ მას ჯერ არ გაცნობი და დასძინა, რომ "მნიშვნელოვანია ექსპერტიზა საქართველოში  ობიექტურად და გამჭვირვალედ ჩატარდეს".

ცნობისთვის, ცხინვალში გაურკვეველ ვითარებაში გარდაცვლილი არჩილ ტატუნაშვილის ცხედარი ქართულ მხარეს უკვე გადასცეს. 

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს