2018-03-20 10:01:01, 2023 ნახვა

---

აშშ-ის პრეზიდენტის ადმინისტრაცია - რუსეთში ჩატარებული არჩევნების შედეგებით გაკვირვებული არ ვართ

ამერიკის შეერთებული შტატების პრეზიდენტის ადმინისტრაციაში განმარტეს, თუ რატომ არ მიულოცა ამ დრომდე დონალდ ტრამპმა ვლადიმერ პუტინს არჩევნებში გამარჯვება.

როგორც თეთრი სახლის პრესმდივნის მოადგილე ჰოგან გიდლიმ განაცხადა, მათთვის არჩევნებში პუტინის გამარჯვება გასაკვირი არ ყოფილა.

„შედეგებით გაკვირვებული არ ვართ. ჩვენ ვიმუშავებთ რუსეთთან ურთიერთობების გასაუმჯობესებლად. თუმცა, დიდ ფასს გადავახდევინებთ იმ შემთხვევებში, თუ ჩვენს ინტერესებს საფრთხეს შეუქმნის“, - განაცხადა ჰოგან გიდლიმ.

მანვე დასძინა, რომ აშშ-ის და რუსეთის პრეზიდენტების სატელეფონო საუბარი დაგეგმილი არ არის.

ცნობისთვის, რუსეთში საპრეზიდენტო არჩევნები 18 მარტს ჩატარდა. არჩევნებში კვლავ მოქმედმა პრეზიდენტმა, ვლადიმერ პუტინმა გაიმარჯვა. რუსეთის ცესკოს ცნობით, პუტინმა ამომრჩეველთა ხმების 76.6% მიიღო.

---

ავტორი: ,

---

დღის თემა

მთავარი თემა

ინტერვიუ - ექსკლუზივი