საქართველოს მთავრობის მიმდინარე  წლის 15 მარტის N 588 განკარგულებით ქალთა მიმართ და ოჯახში ძალადობის წინააღმდეგ ექსპერტთა ჯგუფში (GREVIO)  წარსადგენი კანდიდატთა სია დამტკიცდა.

საქართველოს მთავრობის მიერ განკარგულების მიღებას წინ უსწრებდა კანდიდატთა შერჩევის სამ ეტაპიანი პროცესი.

ექსპერტთა ჯგუფში წარსადგენი კანდიდატურების შერჩევის წესი გენდერული თანასწორობის, ქალთა მიმართ ძალადობისა და ოჯახში ძალადობის  საკითხებზე  მომუშავე უწყებათაშორისმა კომისიამ 20 თებერვალს დაამტკიცა.

ამის შემდეგ კონკურსის შესახებ ინფორმაცია გამოქვეყნდა ორ სხვადასხვა ვებ-გვერდზე. დაინტერესებული პირებისგან დოკუმენტაციის მიღების დასრულების შემდეგ,  შემოწმდა კანდიდატურების ასაკის, ცოდნისა და გამოცდილების შესაბამისობა შერჩევის წესით დადგენილ კრიტერიუმებთან  და 21-დან, 6 განაცხადი შეირჩა.

11 მარტს ექვსივე კანდიდატს ჩაუტარდა ტესტირება ინგლისურ ენაში. მთავრობის ადმინისტრაციის პრესსამსახურის ინფორმაციით, ტესტირების შედეგების შესაბამისად, ექვსივე კონკურსანტმა დააკმაყოფილა კანდიდატთა შერჩევის წესით  გათვალისწინებული უცხო ენის ცოდნის დონე (B 2).

14 მარტს, გენდერული თანასწორობის, ქალთა მიმართ და ოჯახში ძალადობის საკითხებზე მომუშავე უწყებათაშორისი კომიის წევრები გაესაუბრნენ ექვსივე კანდიდატს, რომელთაგანაც მათთვის კომისიის წევრების მიერ მინიჭებული საშუალო ჯამური ქულების კლებადობის მიხედვით შედგა შემდეგი  სია:

1.      ვლადიმერ მკერვალიშვილი

2.      ანა არგანაშვილი

3.      თეა ჯალიაშვილი

აღნიშნული სია დამტკიცდა  საქართველოს მთავრობის 2018 წლის 15 მარტის N 588 განკარგულებით, რომელიც ევროპის საბჭოს გენერალურ მდივანს წარედგინება.

„კონკურსის ჩატარება უზრუნველყო გენდერული თანასწორობის, ქალთა მიმართ ძალადობისა და ოჯახში ძალადობის  საკითხებზე  მომუშავე უწყებათაშორისმა კომისიამ.

ქალთა მიმართ და ოჯახში ძალადობის წინააღმდეგ ექსპერტთა ჯგუფი (GREVIO) არის დამოუკიდებელ ექსპერტთაგან შემდგარი ორგანო, რომელიც ახორციელებს მონიტორინგს წევრი სახელმწიფოების მიერ ქალებზე ძალადობისა და ოჯახში ძალადობის წინააღმდეგ ბრძოლისა და პრევენციის შესახებ ევროპის საბჭოს კონვენციის (სტამბოლის კონვეცია), შესრულებაზე.

საქართველოსთან ერთად GREVIO-ში ასარჩევი კანდიდატების (მაქსიმუმ 3 კანდიდატი) წარდგენის უფლება ჰქონდა 16 ქვეყანას.

ევროპის საბჭოს გენერალური მდივანი წარდგენილ კანდიდატთა სიას გადასცემს კონვენციის მხარეთა კომიტეტს განსახილველად, საბოლოო გადაწყვეტილების მიღების მიზნით“, - განმარტებულია მთავრობის ადმინისტრაციის მიერ გავრცელებულ ინფორმაციაში.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა