2018-02-28 13:35:39, 1850 ნახვა

---

ბახტაძე ჯანდაცვის მსოფლიო ორგანიზაციის თამბაქოს კონტროლის ჩარჩო კონვენციის სამდივნოს ხელმძღვანელს შეხვდა

ფინანსთა მინისტრმა, მამუკა ბახტაძემ და ჯანდაცვის მსოფლიო ორგანიზაციის თამბაქოს კონტროლის ჩარჩო კონვენციის სამდივნოს ხელმძღვანელმა, ვერა დე კოსტა ე სილვამ, ფინანსთა სამინისტროში გამართულ შეხვედრაზე თამბაქოს კონტროლის ჩარჩო კონვენციით ნაკისრი ვალდებულებების შესრულების მიმდინარეობა განიხილეს.

როგორც სამინისტროში აცხადებენ, საქართველო ასრულებს ევროკავშირთან ასოცირების შესახებ შეთანხმებით ნაკისრ ვალდებულებებს, რომლის საფუძველზეც  თამბაქოს ნაწარმზე აქციზის განაკვეთები ბოლო წლებში ეტაპობრივად გაიზარდა.

მათივე ცნობით, შეხვედრაზე აღინიშნა, რომ 2017 წელს 2016 წელთან შედარებით, საქართველოში 14% არის შემცირებული თამბაქოს მოხმარება (რეალიზებული თამბაქოს რაოდენობა), რაც სრულად შესაბამისობაშია საერთაშორისო პრაქტიკასთან.

ასევე, სამოქმედო გეგმის შესაბამისად, ქვეყნის შიგნით და ეკონომიკურ საზღვარზე,  მიმდინარეობს ღონისძიებები კონტრაბანდული  უაქციზო საქონლის უკანონო ბრუნვის გამოვლენა-აღკვეთისა და აღნიშნული დანაშაულის წინააღმდეგ ბრძოლის მიმართულებით.

 

 (NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი