თბილისის მერის მოადგილე სოფიო ხუნწარია საბიბლიოთეკო რეფორმასთან დაკავშირებით, ლიტერატურული და საგამომცემლო სფეროს წარმომადგენლებს შეხვდა.

შეხვედრაზე დედაქალაქში არსებული ბიბლიოთეკების რეფორმის აუცილებლობაზე ისაუბრეს. მერის მოადგილემ პრეზენტაცია გამართა და შეხვედრის მონაწილეებს ბიბლიოთეკებში დღეს არსებული მდგომარეობა და საბიბლიოთეკო რეფორმის ფარგლებში დაგეგმილი ღონისძიებები გააცნო. 

„დღეს ჩვენ შევხვდით მწერლებს, გამომცემლებს, ადამიანებს, ვისაც უყვარს წიგნი, იმისთვის, რომ მათ ბიბლიოთეკების რეფორმისა და მოდერნიზების მიმართულებით თბილისის მერიის გეგმები გავაცნოთ. პირველ რიგში, ეს არის სამართლებრივი პრობლემის მოგვარება, ახალი ა(ა)იპ-ის შექმნა, ბიბლიოთეკარების გადამზადება და იქ არსებული ინფრასტრუქტურის მოწესრიგება. მზად ვართ, ამ პროცესში გამომცემლებისა და საერთოდ, ბიბლიოთეკების განვითარებით დაინტერესებული მოქალაქეების შენიშვნები მოვისმინოთ და რჩევები გავითვალისწინოთ“, - განაცხადა სოფიო ხუნწარიამ. 

თბილისის მერიის ინიციატივით დაგეგმილი საბიბლიოთეკო რეფორმა მუნიციპალური ბიბლიოთეკების მოდერნიზებას, მათი ინფრასტრუქტურის განახლებასა და აღჭურვას, ასევე, კადრების კვალიფიკაციის გაზრდის მიზნით, მათ პროფესიულ განვითარებას ითვალისწინებს.

რეფორმის ფარგლებში, ასევე, იგეგმება ახალი არასამეწარმეო არაკომერციული იურიდიული პირის „ქალაქ თბილისის მუნიციპალიტეტის მულტიფუნქციური ბიბლიოთეკების გაერთიანების“ შექმნა, რომელშიც თბილისის მთავარი ბიბლიოთეკა და თბილისის მედიათეკები მოექცევა. მისი მიზანი თანამედროვე ტიპის კულტურულ-საინფორმაციო სივრცის შექმნაა, რომელშიც მომხმარებელს საშუალება ექნება, როგორც მრავალფეროვანი წიგნადი ფონდით, ისე ელექტრონული რესურსებით ისარგებლოს. ასევე, სხვადასხვა ტიპის პროფილური სერვისების შექმნა და განვითარება იგეგმება.

სამომავლოდ, ასევე, შეიქმნება წიგნის საპატიო მცველის შტატი, რომელსაც ის ბიბლიოთეკარები დაიკავებენ, რომელთაც თბილისის ბიბლიოთეკებში წიგნადი ფონდის შენარჩუნებაში უდიდესი წვლილი მიუძღვით.

(NS)

ავტორი: ,

სოციალური ქსელები

შიო III-ეს არის დიდი პატივიც და მძიმე ჯვარი

მიტროპოლიტი ისაია - მთავარი პრიორიტეტია საქართველოსთვის ზრუნვა, ვფიქრობ, ამ საქმეში პატრიარქი მარტო არ იქნება

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა