28-30 ივნისს ბათუმში, სასტუმრო „შერატონში“ საქართველოს რესპირაციული ასოციაციის მე-6 საერთაშორისო კონგრესი გაიმართება.

როგორც „ექსპრესნიუსს“ აჭარის ჯანდაცვის სამინისტროდან აცნოებს, წინასწარი მონაცემებით მასში 1000-ზე მეტი დელეგატი მიიღებს მონაწილეობას. მათივე ინფორმაციით, გამორჩეული იქნება უცხოელ მომხსენებელთა რაოდენობაც - 43 სპიკერი ევროპის, ამერიკის, აფრიკის და აზიის 30 ქვეყნიდან და მათგან უმრავლესობა მსოფლიო სახელის მქონე მეცნიერია.

აჭარის ჯანდაცვის სამინისტროში, საქართველოს პარლამენტის ვიცე-სპიკერის, კონგრესის თანა-თავმჯდომარის, ილია ნაკაშიძის ხელმძღვანელობით გაიმართა კონგრესის საორგანიზაციო კომიტეტის სხდომა, რომელშიც მონაწილეობას იღებდნენ კონგრესის თავმჯდომარე, თსსუ პროფესორი, მ.იაშვილის სახ. ბავშვთა ცენტრალური საავადმყოფოს სამედიცინო დირექტორი ივანე ჩხაიძე, საქართველოს რესპირაციული ასოციაციის პრეზიდენტი, თსუ ასოცირებული პროფესორი თამაზ მაღლაკელიძე, აჭარის ჯანმრთელობისა და სოციალური დაცვის მინისტრი ზაალ მიქელაძე, აჭარის განათლების, კულტურისა და სპორტის მინისტრი, ინგა შამილიშვილი, ქ.ბათუმის მერი, ლაშა კობახიძე, აჭარის ტურიზმის და კურორტების დეპარტამენტის ხელმძღვანელი სულხან ღლონტი. შეხვედრაზე განიხილეს რეგიონის ექიმთა და სტუდენტთა მონაწილეობის, უცხოელ დელეგატთა სოციალური პროგრამის, კონგრესის საინფორმაციო უზრუნველყოფის და სხვა საკითხები.

ორი დღის განმავლობაში პარალელურად მიმდინარე 20 სიმპოზიუმზე წარმოდგენილი იქნება 85 პრეზენტაცია, მათგან 70%-მდე - მოწვეული უცხოელი სპიკერების მიერ. მათი თემატიკა შეეხება რესპირაციული მედიცინის ყველა ასპექტს: ონკოლოგია და ქირურგია, კრიტიკული მედიცინა და ინფექციები, ტუბერკულოზი და ასთმა, ალერგია და ფქოდ-ი, პედიატრია და ფილტვის იშვიათი დაავადებები, ქრონიკული ხვალა და სასუნთქი გზების არაინვაზიური დიაგნოსტიკა. სამუშაო ენებია ქართული და ინგლისური, სინქრონული თარგმნის უზრუნველყოფით.

ეს კონგრესი, ისევე როგორც წინა ოთხი, ორგანიზებულია აჭარის მთავრობასთან ერთად და ტარდება მთავრობის თავმჯდომარის, ბატონ ზურაბ პატარაძის პატრონაჟით.

კონგრესის გახსნის ცერემონია გაიმართება ბათუმის ხელოვნების ცენტრში და მასში მონაწილეობას მიიღებს აჭარის ფოლკლორული კოლექტივები. კონგრესის დასრულების შემდეგ, კვირას, 1 ივლისს ჩატარდება გარბენი სლოგანით “ირბინეთ მეტი, ისუნთქეთ მეტი, იცოცხლეთ მეტი“, რომელიც ორგანიზებული იქნება ქ.ბათუმის მერიასთან ერთად.

კონგრესის დელეგატთა რეგისტრაცია უკვე დაწყებულია, თუმცა აჭარის ჯანდაცვის მინისტრის თხოვნით აჭარის რეგიონის ექიმებისთვის მთელი სარეგისტრაციო პერიოდის განმავლობაში შენარჩუნებული იქნება მინიმალური სარეგისტრაციო გადასახადი. ასევე, აჭარის განათლების, კულტურისა და სპორტის მინისტრის ინიციატივით ბათუმის შ. რუსთაველის სახელმწიფო უნივერსიტეტის 50 სტუდენტი უფასოდ იქნება დარეგისტრირებული კონგრესზე.

(NS)

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება