აჭარის ჯანდაცვის სამინისტროს „ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში კიდევ ოთხმა ეკომიგრანტმა ოჯახმა თანადაფინანსებით საცხოვრებელი ფართები შეიძინა.

რეგისტრაციის პროცედურა იუსტიციის სახლში გაიმართა.

„სტიქიის შედეგად სამი წლის წინ დავიმეწყრეთ, სახლი დაზიანდა, ნათესავისგან გავიდეთ, რომ სამინისტრო ახორციელებდა ეკომიგრანტი ოჯახების საცხოვრებლით უზრუნველყოფის პროგრამას, შემოვიტანეთ განაცხადი და დღეს დაგვაკმაყოფილეს, ბინა ქობულეთის მუნიციპალიტეტში შევიძინეთ“, - განაცხადა ხულოს მუნიციპალიტეტის სოფელ გელაძეების მკვიდრმა ისმაილ გელაძემ.

გელაძეების გარდა, დღეს, საცხოვრებელი ფართები ვანაძეების, მახარაძეებისა და შავაძეების ოჯახებმაც შეიძინეს.

მიმდინარე წელს პროგრამით უკვე ისარგებლა 9 ეკომიგრანტმა ოჯახმა.

პროგრამის ბიჯეტი 3 000 000 ლარს შეადგენს. პროგრამით გათვალისწინებულია 115-მდე სახლის ან ბინის შეძენა. პროგრამა თანადაფინანსებით ხორციელდება და თითოეულ ოჯახზე გათვალისწინებულია 25 000 ლარი.

„ეკომიგრანტი ოჯახების საცხოვრებლით უზრუნველყოფის“ პროგრამა 2016 წელს ამოქმედდა, მას შემდეგ უსაფრთხო საცხოვრისი 207-მა ოჯახმა შეიძინა.

(NS)

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება