„სამშობლო მარტო მთები და გორები კი არ არის, სამშობლო ცოცხალი ადამიანებია, რომლებიც დღეს სულს ღაფავენ ამ ქვეყანაში და უკვე ტელევიზიით ეუბნებიან ხელისუფლებას - გვშია!“, - ამის შესახებ პარლამენტის პლენარულ სხდომაზე „პატრიოტთა ალიანისი“ გენერალურმა მდივანმა, ირმა ინაშვილმა განაცხადა.

მან აღნიშნა, რომ სიღარიბე ქვეყნის მთავარი გამოწვევაა და ხელისუფლებას ამ პრობლემის დასაძლევად, ეროვნული პროგრამის შემუშავებისკენ მოუწოდა.

„სიღარიბე არის ჩვენი მთავარი გამოწვევა. ეს დარბაზი იმისთვისაა, რომ ჩვენ ვისაუბროთ ადამიანებისთვის მტკივნეულ თემებზე და ამ კანონებსაც ამიტომ ვიღებთ.  მინდა გითხრათ, რომ ამ კანონების ცენტრში დგას ადამიანი. ფეხზე რომ ვდგავართ, ჰიმნს რომ ვუსმენთ და რომ ვმღერით გულში „ჩემი ხატია სამშობლო“, სამშობლო მარტო მთები და გორები კი არ არის, სამშობლო ცოცხალი ადამიანებია, რომლებიც დღეს სულს ღაფავენ ამ ქვეყანაში და უკვე ტელევიზიით ეუბნებიან ხელისუფლებას-გვშია! მე თქვენ გეკიტხებით დღეს, რომ დამთავრდება ჩვენი საპარლამენტო ვადა და სახლში მივალთ, ჩვენ შვილებს რას ვეტყვით, 4 წლის განმავლობაში ჩვენ ვისხედით პალამენტში და ვერაფერი ვერ გავაკეთეთ იმისათვის, რომ ფიზიკურად გადაგვერჩინა ჩვენი ერი. ამას ჩვენი შვილები არ გვაპატიებენ. საქართველოს პარლამენტის ყველა წევრის სირცხვილია, რომ დღეს ბავშვები შიმშილობენ“,-განაცხადა ირმა ინაშვილმა. 

ცნობისთვის, პარლამენტში საგაზაფხულო სესიის პირველი პლენარული სხდომა მიმდინარეობს. დღევანდელ სხდომაზე კანონმდებლები პირველი და მეორე მოსმენით  ათზე მეტ კანონპროექტს განიხილავენ. მათ შორის, „საქართველოს კანონის პროექტებს „იურიდიული დახმარების შესახებ", „ადვოკატთა შესახებ", „სახელმწიფო პენსიის შესახებ", „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ", „საავტომობილო გზების შესახებ" კანონპროექტებში ცვლილებების შეტანის თაობაზე.

ავტორი: ,

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება