2018-01-31 20:02:00, 2160 ნახვა
სამართალი
მაჩალიკაშვილის ოჯახს სურს, მთავარ პროკურორთან შეხვედრა პანკისის ხეობაში გაიმართოს
თემირლან მაჩალიკაშვილის ოჯახს სურს, მთავარ პროკურორთან შეხვედრა პანკისის ხეობაში გაიმართოს.
ამის შესახებ მაჩალიკაშვილების ადვოკატმა მარიამ კუბლაშვილმა „რუსთავი 2“-ს განუცხადა.
„ჩვენ გვსურს დავაზუსტოდ შეხვედრის დეტალები, კერძოდ, თუ სად გაიმართება ეს შეხვედრა. მე გავაჟღერებ პანკისის ხეობის მკვიდრების, უხუცესთა საბჭოს და აგრეთვე, გარდაცვლილ თემირლან მაჩალიკაშვილის ოჯახის წევრების პოზიციას და თხოვნას უპირველესად, რომ ეს შეხვედრა გაიმართოს პანკისის ხეობაში, სადაც მოხდება სათანადო დახვედრა. იქ გაჟღერდება ერთობლივი თხოვნა, ერთობლივად იქნება შეჯერებული მათი წუხილი და იქ უფრო ადვილი იქნება და კარგად გასაგები, თუ რატომ ითხოვდნენ ისინი კონკრეტულად მასთან შეხვედრას“, - განაცხადა მარიამ კუბლაშვილმა.
შეგახსენებთ, მთავარმა პროკურორმა ირაკლი შოთაძემ დღეს მალხაზ მაჩალიკაშვილთან შეხვედრის მზადყოფნა გამოთქვა.
![]()
ავტორი: ,
epn.ge (@expressnews.ge)
