თბილისის მერის მოადგილის ირაკლი ბედელიანის ინფორმაციით, მერიამ მეტროსადგურ "ახმეტელის თეატრის" შემოწმებასთან დაკავშირებით, ექსპერტიზის ეროვნულ ბიუროს უკვე მიმართა.

მერის მოადგილე იმ პირების პასუხისმგებლობაში მიცემაზე საუბრობს, რომლებიც სარეაბილიტაციო სამუშაოებში იღებდნენ მონაწილეობას.

"თქვენ იცით, რომ დღევანდელ ფაქტთან დაკავშირებით მიმდინარეობს გამოძიება. არც ერთი ადამიანი არ დარჩება დაუსჯელი, ვისაც დღევანდელ აქტში მიუძღვის ბრალეულობა. ვინც ამ უხარისხო მშენებლობას ხელი შეუწყო, ყველას მიმართ გვექნება მკაცრი რეაგირება. ჩვენ უკვე მივმართეთ ექსპერტიზის ეროვნულ ბიუროს ახმეტელის მეტროს ექსპერტიზასთან დაკავშირებით. ამავე დროს, თქვენ იცით, რომ არა მარტო მეტრო სადგურებს, არამედ ნებისმიერ სხვა ობიექტებსაც ვამოწმებთ ინტენსიურ რეჟიმში, ვინაიდან თავიდან იქნას აცილებული ისეთი სახის ფაქტები, როგორსაც დღეს ჰქონდა ადგილი", - განაცხადა  ბენდელიანმა "იმედის" ეთერში.

კითხვაზე თუ ვინ ახორციელებს ობიექტების შემოწმებას სარეაბილიტაციო სამუშაოების დასრულების შემდეგ, ბენდელიანმა აღნიშნა, რომ ვარკეთილის მეტროს შემთხვევაში, შემოწმება კონკრეტული თანამშრომლებისგან შემდგარმა ჯგუფმა და ასევე 2 აკრედიტირებულმა კომპანიამ განახორციელა. 

" უშუალოდ თვითონ მერიის სისტემაში შემავალი გამგეობების და საქალაქო სამსახურების ხარისხს ამოწმებს მერიის ლაბორატორია, რომელიც ზედამხედველობას უწევს როგორც მოცულობით ასევე ხარისხორივი ნაწილის შემოწმებას. ხოლო სატრანსპორტო კომპანიის მიერ შესრულებულ სამუშაოების ზედამხედველობას, როგორც ხელშეკრულებიდან ირკვევა ახორციელებდნენ უშუალოდ კონკრეტული თანამშრომლებისგან შემდგარი ჯგუფი და ასევე, აკრედიტაცია გავლილი 2 კომპანია. შემოწმება კონკრეტულად სამუშაოების შესრულების დროს ხდება. ეს კონტროლი ხორციელდება იმ ეტაპამდე, სანამ ხელშეკრულებით ნაკისრი ვალდებულება არ იქნება შესრულებული ბოლომდე. ანუ მოწმდება სამუშაო ობიექტზე სამუშაოების დაწყების დღიდან ბოლო დღემდე - დასრულებამდე. არ მინდა გამოძიების ინტერესებს წინ გავუსწრო და განცხადებები გავაკეთო, მაგრამ ერთი რაც დღის განმავლობაში გამოვლინდა: საუბარია პირველ რიგში როგორც სამშენებლო კომპანიის მიერ უხარისხოდ გაწეულ მომსახურებაზე, ასევე შეიძლება საკითხი დაისვას  - თვითონ საპროექტო დოკუმენტაცია რამდენად კარგად იყო შედგენილი. შესაბამისად ამას გამოძიება დაადგენს", - აღნიშნა მან.

რაც შეეხება ვარკეთილის მეტროს მუშაობის აღდგენას ირაკლი ბენდელიანის ინფორმაციით, სადგური მუშაობას 2 დღეში განაახლებს.

"იქ ახლა მიმდინარეობს დასუფთავების და სადემონტაჟო სამუშაოები. მაქსიმუმ ორი დღის ვადაში დაგეგმილი გვაქვს, რომ მოძრაობა აღვადგინოთ", - დასძინა ირაკლი ბენდელიანი.

ავტორი: ,

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას