ხმაური საკრებულოში - მოქალაქის განცხადებით, უფასო სასადილოში აღარ უშვებენ (ვიდეო)

2018-01-16 18:13:28, 2556 ნახვა

საზოგადოება

თბილისის საკრებულოს უმრავლესობა ოპოზიციას შოუს დადგმაში ადანაშაულებს.

საქმე ეხება სხდომაზე ერთ-ერთი მოქალაქის სიტყვით გამოსვლას, რომელიც ამბობდა, რომ სოციალურად დაუცველის სტატუსი მოუხსნეს და სოციალურად დაუცველთათვის განკუთვნილ უფასო სასადილოშიც არ უშვებენ.

მოქალაქე ლალი ჯაბანაშვილის განცხადებით, სოციალური დახმარება აღარ ჰქონდა, თუმცა 2017 წელს უფასო სასადილოთი მაინც სარგებლობდა, 2018 წლის დადგომის შემდეგ კი, სასადილოში შესვლაზე უარს ეუბნებიან. საკრებულოს უმრავლესობის წევრებმა აღნიშნეს, რომ ოპოზიციამ ის შოუს დასადგმელად მიიყვანა, რამაც ქალბატონი გააღიზიანა და საკრებულოს სხდომათა დარბაზი დატოვა. "ნაციონალური მოძრაობის" წევრების განცხადებით, ლალი ჯაბანშვილი საკრებულოში თავისი სურვილით მივიდა. მას შვილი, როგორც ამბობს, აფხაზეთის ომში ჰყავს დაკარგული. ""ნაციონალური მოძრაობის" მხარდამჭერი ვიყავი და ვიქნები სიკვდილის კარამდე იმიტომ რომ მემორიალზე, რომელიც მიშამ გააკეთა, ჩემი შვილია",-განაცხადა ლალი ჯაბანაშვილმა. მას საკრებულოს შესაბამისი სოციალური სამსახურის წარმომადგენლები გაესაუბრნენ. მოქალაქემ სოციალური დახმარების აღდგენის თაობაზე განცხადება დაწერა.