2018-01-11 11:43:02, 1692 ნახვა

---

შსს 2 თანამშრომლის დაკავებაზე: როდესაც დგინდება პოლიციელის ბრალეულობა, მისი შესაბამისი პასუხისმგებლობის საკითხი დგება

როდესაც დგინდება პოლიციელის ბრალეულობა, მისი შესაბამისი პასუხისმგებლობის საკითხი დგება, - ამის შესახებ შინაგან საქმეთა სამინისტროს იურიდიული დეპარტამენტის დირექტორმა ბექა დოჭვირმა, პროკურატურის მიერ უწყების 2 თანამშრომლის დაკავების შეფასებისას განაცხადა.

როგორც დოჭვირმა აღნიშნა, შსს-ს გენერალური ინსპექცია, სიმართლის დასადგენად პროკურატურასთან აქტიურად თანამშრომლობს.

"საქართველოს პროკურატურამ, შინაგან საქმეთა სამინისტროს გენერალურ ინსპექციასთან თანამშრომლობით, სამსახურეობრივი უფლებამოსილების გადამეტების ფაქტზე, რუსთავის 2 უბნის ინსპექტორ-გამომძიებელი დააკავა. აღსანიშნავია, რომ შინაგან საქმეთა სამინისტროს გენერალური ინსპექცია აქტიურად თანამშრომლობს პროკურატურასთან, რადგან ჩვენი მიზანია სიმართლის დადგენა, რომ არც ერთ შემთხვევაზე არ დარჩეს პასუხგაუცემელი კითხვები. ზოგადად პოლიციელების უპირობო დადანაშაულება გაუმართლებელია, თუმცა აღნიშნული ფაქტი ცხადყოფს, რომ როდესაც დგინდება პოლიციელის ბრალეულობა, მისი შესაბამისი პასუხისმგებლობის საკითხი დგება".

---

ავტორი: ,

---

დღის თემა

მთავარი თემა

ინტერვიუ - ექსკლუზივი