ტერორიზმის ხელშეწყობაში ბრალდებულის შოაიფ ბორძიევის ადვოკატის იმედა ქარქაშაძის განცხადებით, დაცვის მხარე აღკვეთი ღონისძიების გაუქმებას საფუძვლიანად ითხოვდა.

თუმცა, როგორც ადვოკატმა განმარტა, სასამართლომ აღნიშნული შუამდგომლობა საქმის შინაარსიდან გამომდინარე არ დააკმაყოფილა.

"მოვითხოვეთ აღკვეთი ღონისძიების გაუქმება - პატიმრობა. ამას ვითხოვდით საკმაოდ საფუძვლიანად, მაგრამ მიუხედავად ამისა, ალბათ იმიტომ არ გაუქმდა აღკვეთი ღონისძიება ვინაიდან ამ საქმეში ზოგადად სიტყვა ტერორიზმია გაჟღერებული. საქმესთან დაკავშირებით ვერაფერს ვერ გეტყვით, სანამ არ შევუთანხმდები ჩემი დაცვის ქვეშ მყოფს", - განაცხადა იმედა ქარქაშაძემ.

ცნობისთვის, სასამართლომ პროკურატურის შუამდგომლობა დააკმაყოფილა და ტერორიზმის ხელშეწყობაში ბრალდებულებს ზურაბ გორნაკაშვილს და შოაიფ ბორძიევს წინასწარი პატიმრობის ვადა 22 თებერვლამდე გაუგრძელა.

შეგახსენებთ, სახელმწიფო უსაფრთხოების სამსახურის ინფორმაციით, ბრალდებულები საქართველოსა და თურქეთში ტერაქტებს გეგმავდნენ.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს