ხორავას ქუჩაზე მომხდარი მკვლელობის საქმის პროკურორის ზვიად ფხაკაძის განცხადებით, საქმეში არსებობენ დაჭრილები, რომელთაც ჩაუტარდათ ექსპერტიზები და დგინდება, თუ რა გარემოებებში მიიღეს მათ ეს ჭრილობები.

თუმცა, პროკურორი არ აკონკრეტებს რამდენი პირია დაჭრილი.

"დღეს განვიხილავთ ორი პირის ბრალდების საქმეს, რომლითაც დადასტურებულია, რომ თავიანთი მოქმედებების შედეგად დადგა ორი არასრულწლოვანის გარდაცვალება. რაც შეეხება სხვა დაჭრილებს, დგინდება რა გარემოებებში მიიღეს ჭრილობები", - განაცხადა პროკურორმა.

ამასთან, პროკურორ ზვიად ფხაკაძის ინფორმაციით, საქმეზე დაკითხულია 120-მდე პირი და ჩატარებულია ექსპერტიზები. პროკურორი არ იზიარებს დაცვის მხარის პოზიციას, რომ გამოძიება არაობიექტურად და არასრულფასოვნად ჩატარდა.

ზვიად ფხაკაძე არ გამორიცხავს, გამოძიების პროცესში ბრალდებულთა წრე გაიზარდოს.

"საქმედან გამოყოფილია სხვა სისხლის სამართლის საქმე, 5 პირის წინააღმდეგ, რომელიც დანაშაულის დაფარვას ეხება. მოცემული გამოცემის პროცესში არ არის გამორიცხული ბრალდებულტა წრე გაფართოვდეს", - განაცხადა პროკურორმა.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთ-ერთი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს