ქობულეთში, უბედური შემთხვევის ადგილზე, მთელი დღის განმავლობაში იმყოფებოდნენ აჭარის ჯანდაცვის მინისტრი ნუგზარ სურმანიძე, აჭარის განათლების მინისტრი გიორგი თავამაიშვილი და აჭარის მთავრობის აპარატის უფროსი რუსლან ქორიძე.

აჭარის ჯანდაცვის სამინისტროს ინფორმაციით, დღის მეორე ნახევარში ქობულეთში ქვემო ქართლის გუბერნატორი პაატა ხიზანაშვილი და რუსთავის მერი დავით ჯიქია ჩამოვიდნენ. გუბერნატორმა და მერმა შემთხვევის ადგილი დაათვალიერეს და დაზარალებული ბავშვები მოინახულეს.

ქობულეთში სასტუმრო „არმაზში“ ხანძარი დღეს გამთენიისას გაჩნდა. ამ დროს სასტუმროში რუსთავის ქორეოგრაფული ანსამბლის 35-მდე მოცეკვავე და პედაგოგები იმყოფებოდნენ. ხანძარს 3 მოზარდის სიცოცხლე ემხვერპლა, სამაშველო სამსახურებმა გადარჩენილი ბავშვების გამოყვანა უვნებლად შეძლეს. ბავშვებს ჩაუტარდათ ფსიქოლოგების კონსულტაცია. მათი ნაწილი რუსთავში უკვე გაემგზავრა.

დაღუპული სამი ბავშვის ცხედარი ქ. რუსთავის ექსპერტეზის ბიუროში რამდენიმე საათის წინ გადაასვენეს. ცხედრების იდენტიფიცირების მიზნით აღებული იქნა დნმ-ის ანალიზი, რომელიც გადაიგზავანა ქ. თბილისში.

საჭირო ხარჯებს სახელმწიფო უწყებები დაფარავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს