2017-12-16 14:46:19, 1980 ნახვა
კომენტარი
ვოლსკი: ახალი ფრაქციების შექმნის მთავარი მიზეზი მართვის სისტემის დახვეწაა
პარლამენტის ვიცე-სპიკერი გია ვოლსკი, გამორიცხავს, რომ საპარლამენტო უმრავლესობაში 2 ახალი ფრაქციის შექმნა დაპირისპირებას უკავშირდება.
ვოლსკის თქმით, ფრაქციების შექმნა განპირობებულია იმით, რომ გადაწყვეტილებები ერთპიროვნულად არ იყოს მიღებული.
"მთავარი მიზეზი მართვის სისტემის დახვეწაა. გარდა ამისა, არსებობს ის აუცილებლობა, რომ 86-კაციან ფრაქციას არ ჰქონდეს ერთპიროვნული გავლენა ყველა პროცესზე, რომელიც მიმდინარეობს. არანაირი დაპირისპირება ამ შემთხვევაში სახეზე არ არის", - დასძინა საპარლამენტო უმრავლესობის წევრმა.
ცნობისთვის, საპარლამენტო უმრავლესობაში ორი ახალი ფრაქცია ჩამოყალიბდება, რომლებსაც ბიძინა გეგიძე და გოჩა ენუქიძე უხელმძღვანელებენ.
![]()
ავტორი: ,
epn.ge (@expressnews.ge)
