2017-12-14 14:35:56, 1913 ნახვა

---

ილჰამ ალიევი: აშშ-მა იერუსალიმის ისრაელის დედაქალაქად აღიარების გადაწყვეტილებას უნდა გადახედოს

აზერბაიჯანის პრეზიდენტი ილჰამ ალიევი  სტამბოლში, ისლამური თანამშრომლობის ორგანიზაციის სამიტზე სიტყვით გამოვიდა.

როგორც მან აღნიშნა, აშშ-ის გადაწყვეტილება იერუსალიმის ისრაელის დედაქალაქად ცნობის შესახებ პალესტინა-ისრაელის კონფლიქტის მოგვარებაზე უარყოფითად იმოქმედებს.

„აშშ-ის პრეზიდენტის დონალდ ტრამპის გადაწყვეტილება იერუსალიმის ისრაელის დედაქალაქად ცნობისა და ამერიკის საელჩოს ამ ქალაქში გადატანის შესახებ, შემაშფოთებელია.  ეს გადაწყვეტილება ნეგატიურად იმოქმედებს ისრაელი-პალესტინის კონფლიქტის სამართლიან და ყოველმხრივ დარეგულირებაზე და  შესაძლოა, ჰქონდეს საშიში შედეგები ახლო აღმოსავლეთისთვის.  ამერიკამ  ამ გადაწყვეტილებას უნდა გადახედოს“, - განაცხადა ალიევმა სიტყვით გამოსვლისას.

შეგახსენებთ, 6 დეკემბერს აშშ-ის პრეზიდენტმა, დონალდ ტრამპმა განაცხადა, რომ ვაშინგტონი იერუსალიმს ისრაელის დედაქალაქად ოფიციალურად აღიარებს. ამასთან, დონალდ ტრამპმა აღნიშნა, რომ ისრაელში აშშ-ის საელჩო თელ-ავივიდან იერუსალიმში გადაინაცვლებს. ტრამპის გადაწყვეტილების შემდეგ, ისრაელის სამართალდამცველებსა და პალესტინელებს შორის შეტაკებები დაიწყო. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი