საპარლამენტო უმრავლესობის ლიდერის არჩილ თალაკვაძის განცხადებით, შემდეგ საპარლამენტო სესიაზე, პრემიერ-მინისტრი გუნდთან ერთად პარლამენტის წინაშე წარსდგება და ყველა შეკითხვას პასუხს გასცემს.

თალაკვაძე გამოემხაურა „ევროპული საქართველოს“ წევრის გიგა ბოკერიას შკითხვას - სად არის დღეს პრემიერ-მინისტრი.

თალაკვაძის თქმით, პრემიერი არის იქ, სადაც საქართველოს აქვს 5%-იანი ეკონომიკური განვითარება, საგარეო პოლიტიკის თვალსაზრისით წარმატებები, ბიუჯეტის თანმიმდევრულო ხარჯვა, მდგრადი ეკონომიკური განვითარება და ინვესტიციები, სადაც ქვეყანას სტაბილურობა და მშვიდობა აქვს:

„ბატონო გიგა, მინდა, გაგახაროთ და გითხრათ, რომ ბატონი პრემიერ-მინისტრი შემდეგ საპარლამენტო სესიას პირადად, თავის გუნდთან ერთად დაესწრება, მიიღებს მონაწილეობას, შეკითხვები, პასუხები, დებატი, ეს ყველაფერი იქნება და ვნახოთ, რა შეკითხვები გექნებათ და რა პასუხებსაც მიიღებთ, მაგასაც შემდეგ სესიაზე დაინახავთ. რაც შეეხება თქვენს შეკითხვას-სად არის პრემიერ-მინისტრიო, პრემიერი არის იქ, სადაც მას აქვს კონკრეტული ამოცანები და საქმე და თქვენც კარგად იცით, პრემიერ-მინისტრის საქმე რა არის. პრემიერი არის იქ, სადაც საქართველოს აქვს 5%-იანი ეკონომიკური განვითარება, აქვს საგარეო პოლიტიკის თვალსაზრისით წარმატებები, სადაც საქართველოს აქვს ბიუჯეტის თანმიმდევრული ხარჯვა, სადაც საქართველოს აქვს მდგრადი ეკონომიკური განვითარება და ინვესტიციები, სადაც საქართველოს აქვს, რაოდენ საწყენიც არ უნდა იყოს ზოგ-ზოგიერთებისთვის, ქვეყანაში სტაბილურობა და მშვიდობა.აქ რომ უსაფრთხოების პოლიტიკაზე ლექციებს გვიკითხავთ, ბატონო სერგი, თქვენ როცა იყავით მმართველობაში, მაშინ არ იცოდით უსაფრთხოება როგორ უნდა ყოფილიყო კოორდინირებულ-გაანალიზებულ-დაცული? გქონდათ ეს უსაფრთხოება ჩვენ რომ გვასწავლით ჭკუას, გადახედეთ ერთი ბოლო 5 წელიწადს, საქართველო არის რეგიონში ყველაზე უსაფრთხო ქვეყანა. თქვენი დოქტრინებით რა უსაფრთხოებაც გქონდათ დაცული, კარგად გვახსოვს“,-განაცხადა არჩილ თალაკვაძემ.

ავტორი: ,

სოციალური ქსელები

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში