„ამ გამოწვევასთან მიმართებაში 100%-იანი გარანტია არ არსებობს. ასე მარტივად არ დგას საკითხი, რომ 100%-იანი გარანტია იყოს თუნდაც საზღვარზე“,-ასე უპასუხა თავდაცვისა და უშიშროების კომიტეტის თავმჯდომარე ირაკლი სესიაშვილმა „ქრონიკის“ ეთერში შეკითხვას-საკმარისადაა თუ არა დაცული საქართველოს სახელმწიფოს საზღვრები.

თუმცა, სესიაშვილის განცხადებით, ყველაფერი კეთდება, რათა ქვეყანაში გატარდეს როგორც  პრევენციული ღონისძიებები, ასევე გაძლიერდეს   საზღვრები, შიდა უსაფრთხოება და  კონდაზვერვითი საქმიანობა.

„როცა ვსაუბრობთ ტერორიზმზე, ტერორიზმს სამწუხაროდ საზღვრები არ გააჩნია. ეს არის 21-ე საუკუნის ძალიან სერიოზული გამოწვევა და არა მარტო ჩვენი ქვეყნისთვის, მთელი მსოფლიოსთვის, მათ შორის იმ მეგასახელმწიფოებისთვის, რომელთაც აქვთ ძალიან დიდი რესურსი, ტექნიკური შესაძლებლობაც, გამოცდილებაც და ძალიან ძლიერი სპეცსამსახურებიც. ასე მარტივად არ დგას საკითხი, რომ 100%-იანი გარანტია იყოს გინდა საზღვარზე, გინდა ქვეყანაში  და ზოგადად ამ გამოწვევასთან მიმართებაში 100%-იანი გარანტია არ არსებობს. თუმცა, სახელმწიფოები, მათ შორის ჩვენი ქვეყანა თავის პარტნიორებთან ერთად ყველაფერს ვაკეთებთ, რათა გავატაროთ როგორც პრევენციული ღონისძიებები, ასევე გავაძლიეროთ ჩვენი საზღვრებიც, ქვეყნის შიდა უსაფრთხოება, კონდაზვერვითი საქმიანობა, რომ მაქსიმალურად მოკლე ვადებში მოვახდინოთ პრევენციაც და რეაგირებაც“,-აღნიშნა ირაკლი სესიაშვილმა.

შეგახსენებთ, სახელმწიფო უსაფრთხოების სსმასახურმა დაადასტურა, რომ სპეცოპერაციისას ლიკვიდირებული პირებიდან ერთ-ერთი ახმედ ჩატაევია.მან თავი აიფეთქა.

ავტორი: ,

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა