თავდაცვის მინისტრმა ზუგდიდის ივერიის ღვთისმშობლის ტაძარს ხატი შესწირა

2017-11-23 16:50:13, 2101 ნახვა

საზოგადოება

მართლმადიდებლური ეკლესია დღეს გიორგობის დღესასწაულს აღნიშნავს.

წმინდამოწამის დღესასწაულთან დაკავშირებულ ღვისმსახურებას საქართველოს თავდაცვის მინისტრი ლევან იზორია ზუგდიდში, ივერიის ყოვლადწმინდა ღვთისმშობლის მშენებარე საკათედრო ტაძარში დაესწრო და ეკლესიას წმინდა გიორგის სახელობის ხატი შესწირა.

წმინდა გიორგი რომის იმპერატორის, დიოკლიტიანეს ბრძანებით აწამეს. კერპთაყვანისმცემელმა იმპერატორმა, წმინდა გიორგის ქრისტეს უარყოფა მოსთხოვა. დიდმოწამე გიორგიმ რწმენას არ უღალატა, რის გამოც ის მბრუნავ ბორბალზე სასტიკად აწამეს, 30 წლის ასაკში კი თავი მოკვეთეს.
ეკლესია წმინდა გიორგის ხსენებას წელიწადში ორჯერ, 6 მაისს წმინდანის აღსრულების დღეს და 23 ნოემბერს მისი ბორბალზე წამების დღეს აღნიშნავს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები