Google-ი კრემლის პროპაგანდისტულ ვებგვერდებს შეზღუდავს

2017-11-21 12:48:48, 1992 ნახვა

მსოფლიო

Google რუსული პროპაგანდის მატარებელ ვებგვერდებს, საძიებო ველში საწყის ლინკებად აღარ გამოაჩენს, - ამის შესახებ Motherboard.com იუწყება.

Google-ის მშობელი კომპანია Alphabet-ის დირექტორმა ერიკ შმიდტმა, შესაბამისი გადაწყვეტილება მას შემდეგ მიიღო, რაც კომპანიის მიმართ კრიტიკა გახშირდა. მისივე თქმით, კომპანია არსებული პრობლემის გადაჭრაზე მუშაობს.

"ეს ძირითადად Russia Today და Sputnik-ია. ვიცით ამის შესახებ და ვცდილობთ სისტემის რებრენდინგს. კრემლის პროპაგანდისტული მედია საშუალებები საძიებო სისტემაში პირველივე სიაში არ უნდა ფიქსირდებოდნენ და ამაზე ვმუშაობთ", - აღნიშნა შმიდტმა და დასძინა, რომ საიტების დაბლოკვას არ აპირებს.

"ჩვენ ასე არ ვმუშაობთ, საიტებს არ დავბლოკავ. ჩვენ მათ შეფასებას მივცემთ და ერთგვარ რეიტინგში ჩავსვამთ. ვეცდებით ყველაფერი საუკეთესოდ გაკეთდეს", - განაცხადა ერიკ შმიდტმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები