მთავრობის საპარლამენტო მდივნის შალვა თადუმაძის განცხადებით, მთავრობა საკანონმდებლო ცვლილებების და ახალი ნდობის მოპოვება-წარდგენამდე ჩვეულ რეჟიმში განახორციელებს საქმიანობას.

როგორც მან აღნიშნა, პირველ რიგში ის საკადრო ცვლილებები განხორციელდება, რომელიც საკანონმდებლო უზრუნველყოფას არ საჭიროებს.

თადუმაძის განმარტებით, მთავრობას უახლოეს მომავალში  საკანონმდებლო ცვლილებათა პაკეტი  წარედგინება, შემდეგ კი, ის განსახილველად პარლამენტს გადაეგზავნება.

„მთავრობის სხდომას უახლოეს მომავალში წარედგინება საკანონმდებლო ცვლილებათა პაკეტი და ის პარლამენტს განსახილველად გაეგზავნება. საკანონმდებლო ცვლილებათა პროექტის მიღების შემდეგ უწყებების შერწყმა-გაერთიანება განხორციელდება. ამის შემდეგ მთავრობის ახალი შემადგენლობა დაინიშნება და პრემიერი მთავრობის ახალი შემადგენლობით პარლამენტის ნდობის განსაახლებლად პარლამენტის მოსმენებში მიიღებს მონაწილეობას. ამის შემდეგ გაერთიანებულ სამინისტროებში კანონით დადგენილი წესით ოპტიმიზაცია-რეორგანიზაციის პროცესი განხორციელდება“, - განაცხადა თადუმაძემ.

თუ რა თანამდებობებს დაიკავებენ განათლების ყოფილი მინისტრი ალექსანდრე ჯეჯელავა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, თადუმაძემ აღნიშნა, რომ ამ კითხვაზე პასუხის გაცემა მისი პრეროგატივა არაა.

თადუმაძე ვარაუდობს, რომ ახალ მთავრობას პარლამენტი ნდობას 2018 წლამდე გამოუცხადებს.

ავტორი: ,

სოციალური ქსელები

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს