18:54 - 08 May, 2026
ჩვენ შესახებ რეკლამა/ხელმოწერა
2017-11-10 17:23:45, 2096 ნახვა

პოლიტიკა
ირაკლი კობახიძე: ქვეყანაში ძალიან ბევრი რამ კეთდება, რასაც ჩვენი მოსახლეობა ხედავს

პარტია „ქართული ოცნება - დემოკრატიული საქართველოს“ აღმასრულებელი მდივანი, პარლამენტის თავმჯდომარე ირაკლი კობახიძე ბორჯომის მერობის კანდიდატ ლევან ლიპარტიას ადგილობრივი თვითმმართველობის არჩევნების მეორე ტურში წარმატებას უსურვებს და მოსახლეობას მისი მხარდაჭერისკენ მოუწოდებს.

ამის შესახებ ირაკლი კობახიძემ ბორჯომელ ამომრჩეველთან შეხვედრაზე განაცხადა, რომელიც ლევან ლიპარტიას მხარდასაჭერად გაიმართა.

როგორც კობახიძემ აღნიშნა, ქვეყანაში მოსახლეობის საკეთილდღეოდ  ბევრი რამ კეთდება, რაც მომავალშიც გაგრძელდება.

„დღეს ჩამოვედით იმისთვის, რომ მხარი დავუჭიროთ ჩვენს კანდიდატს ბორჯომის მუნიცილაპიტეტის მერის პოსტზე ლევან ლიპარტიას. მისი არჩევით ის უამრავი პროექტიუნდა გაგრძელდეს, რომელიც ბორჯომში ხორციელდება. ზოგადად, ქვეყანაში ძალიან ბევრი რამ კეთდება, რასაც ჩვენი მოსახლეობა ხედავს. სწორედ ამის შედეგია ის, რომ ჩვენ ადგილობრივი თვითმმართველობის არჩევნებში  დამაჯერებელი გამარჯვება კიდევ ერთხელ მოვიპოვეთ“, - განაცხადა ირაკლი კობახიძემ.

მისივე თქმით, მმართველი პარტიის მიერ ბევრი რამ კეთდება იმისთვის, რომ მოსახლეობის სოციალური და ეკონომიკური მდგომარეობაგაუმჯობესდეს.

„ძლიერი ეკონომიკა ნიშნავს, რომ უფრო მეტი ადამიანი იქნება დასაქმებული და უფრო უკეთესი იქნება ჩვენი ცხოვრების პირობები. მინდა მხარდაჭერა გამოვუცხადო ჩვენს თანაგუნდელს, ლევან ლიპარტიას ამ საპატიო პოსტისთვის ბრძოლაში, ვუსურვო მას გამარჯვება და წარმატება. საბოლოოდ, რა თქმა უნდა, ყველაფერი ბორჯომელ ამომრჩეველზეადამოკიდებული. კიდევ ერთხელ მინდა მოვუწოდო მათ, რომ მხარი დაუჭირონ „ქართულ ოცნებას“, ჩვენ მიერ აღებულ პოლიტიკურ კურსს და მერობის კანდიდატ ლევან ლიპარტიას“, - განაცხადა ირაკლი კობახიძემ.

ბორჯომის მერობის კანდიდატის მხარდამჭერ შეხვედრას რეგიონული განვითარებისა და ინფრასტრუქტურის მინისტრი ზურაბ ალავიძე და პარლამენტის წევრები ესწრებოდნენ.

 

(NS)





ავტორი: ,


სოციალური ქსელები
უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება
ელენე ხოშტარია - რეალური ზეწოლის პირობებში ოცნება უკან იხევს
ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს
კრიპტო უკვე საქართველოს ბანკის მობილბანკშია — დაიწყე ინვესტირება მსოფლიოში საუკეთესო ციფრული ბანკით
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics