|
2017-11-01 14:13:29, 1815 ნახვა
საზოგადოება
ჯანდაცვის სამინისტრო საექიმო სპეციალობის მაძიებლებისთვის სტიპენდიას აწესებს
შრომის, ჯანმრთელობისა და სოციალური დაცვის სამინისტროს ინიციატივით, დიპლომისშემდგომი სამედიცინო განათლების პროგრამის ფარგლებში, ერთიან საკვალიფიკაციო გამოცდებზე უმაღლესი შეფასების საექიმო სპეციალობის მაძიებლებს სტიპენდია მიენიჭებათ. სტიპენდიანტები ერთიანი საკვალიფიკაციო გამოცდების დასრულების შემდეგ, რეიტინგის მიხედვით გამოვლინდებიან. აღნიშნულთან დაკავშირებით დღეს, თსსუ-ში საექიმო სპეციალობის მაძიებლებსა და მოქმედ რეზიდენტებთან გამართულ შეხვედრაზე შრომის, ჯანმრთელობისა და სოციალური დაცვის მინისტრმა, დავით სერგეენკომ განაცხადა. მისი განმარტებით, ეს ჯანდაცვის სამინისტროს მიერ სტუდენტთა დაფინანსების ხელშეწყობის კიდევ ერთი პროგრამაა. „ჩვენ აქამდეც გვქონდა მხარდაჭერის პროექტი, რომლის ფარგლებშიც საზღვრისპირა რეგიონებისა და იმ რაიონებისთვის, სადაც დეფიციტური სპეციალობებია, გარკვეული სპეციალობები ფინანსდებოდა. ახლა გადავწყვიტეთ, დამატებით კიდევ გამოვყოთ მხარდაჭერის თანხა, რომლითაც დიპლომისშემდგომ განათლებას ყველაზე მაღალი შედეგების მქონე კურსდამთავრებულებს დავუფინანსებთ. 10 სტუდენტისთვის სრული ბიუჯეტი 22.000 ლარით განისაზღვრება“, - აღნიშნა დავით სერგეენკომ. შეხვედრაზე ჯანდაცვის მინისტრმა დიპლომისშემდგომი სამედიცინო განათლების პროგრამის საკითხებზე და ამ მიმართულებით არსებულ სიახლეებზეც ისაუბრა. შეხვედრის დასკვნით ნაწილში კი, აუდიტორიის მოსაზრებებს გაეცნო და დასმულ კითხვებს უპასუხა. ჯანდაცვის სამინისტროს მიერ საექიმო სპეციალობის წარჩინებული მაძიებლებისთვის სტიპენდიის დაწესება სტუდენტების პროფესიული განვითარების ხელშეწყობას ისახავს მიზნად.
(NS)
საბურთალოზე კაცი მოკლეს
ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა
დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO
მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი
ვიდეო/LIVE პატრიარქის ილია მეორის დაკრძალვა - პირდაპირი
|





epn.ge (@expressnews.ge)