აბაშიშვილი: მმართველი გუნდის ტენდენციაა, ვეტოდადებული საკითხები ახალ ინიციატივაში გადაიტანოს

2017-10-31 13:03:12, 1985 ნახვა

კომენტარი

საქართველოს პრეზიდენტის ადმინისტრაციის უფროსი გიორგი აბაშიშვილი უმრავლესობის მიერ ახალი საკონსტიტუციო ცვლილებების დაწყების პროცესს აფასებს.

როგორც აბაშიშვილმა აღნიშნა, მმართველი პოლიტიკური გუნდის მოქმედების ტენდენცია არ იცვლება - "ჯერ აგდებენ პრეზიდენტის ვეტოს და შემდგომ, რაც პრეზიდენტის ვეტოში წერია, სიტყვა-სიტყვით გადაწერენ ახალ ინიციატივებში".

"ასეა ამ შემთხვევაშიც და ამის ზუსტი მაგალითია საქართველოს ეროვნული ბანკი-სულ ცოტა ხნის წინანდელი მაგალითი, როდესაც ჯერ პრეზიდენტის ვეტო ჩააგდეს და შემდგომ სიტყვასიტყვით გადაიწერა ახალ კანონპროექტში პრეზიდენტის ვეტოში დაფიქსირებული მოსაზრებები. ამ ტენდენციასთან გვაქვს საქმე ახლაც. როგორც ჩანს მმართველი პოლიტიკური გუნდის მიზანი არის არა საკითხების კვალიფიციური ანალიზი და გათვალისწინება, არამედ მათი თვითმიზანი არის უბრალოდ ვეტოს დაძლევა", - განაცხადა გიორგი აბაშიშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები