დღეს,  სასტუმრო „რედისონში" საქართველოს იუსტიციის სამინისტროს სსიპ „მონაცემთა გაცვლის სააგენტოს" სამთავრობო კომპიუტერულ ინციდენტებზე სწრაფი დახმარების ჯგუფის (CERT.GOV.GE) ორგანიზებით რიგით მეორე ეროვნული კიბეროლიმპიადა ჩატარდა.

იუსტიციის სამინისტროს ინფორმაციით, ოლიმპიადაში მონაწილეობდნენ კიბერსაკითხებით დაინტერესებული ახალგაზრდები, სკოლის მოსწავლეები და სტუდენტები.

უწყების ცნობით, კონკურსის ფარგლებში, მონაწილეებს მიეცათ კონკრეტული დავალებები, კერძოდ, კიბერუსაფრთხოების გავრცელებული შეტევის ვექტორების ამოცანებზე, რომელთა გადაჭრაშიც კონკურსანტები ერთმანეთს შეეჯიბრნენ.

კიბეროლიმპიადის მიზანია კიბერუსაფრთხოების სფეროს განვითარების ხელშეწყობა და პოპულარიზაცია იმ პერსპექტიული ახალგაზრდების გამოვლენა და წახალისება, რომლებიც ფლობენ შესაბამის ტექნიკურ ცოდნასა და კომპეტენციას.

ახალგაზრდა თაობის განათლება და დახელოვნება საქართველოს იუსტიციის სამინისტროს სსიპ „მონაცემთა გაცვლის სააგენტოს" ერთ-ერთი პრიორიტეტია.

 კიბეროლიმპიადის მეშვეობით სტუდენტებს შესაძლებლობა ეძლევათ, გაიღრმავონ ცოდნა ისეთ სფეროში, როგორიცაა კიბერუსაფრთხოება. 

დღევანდელ პირობებში განსაკუთრებით მნიშვნელოვანია კიბერუსაფრთხოების მაღალი დონის მიღწევა და შენარჩუნება, რასაც შესაბამისი უნარ-ჩვევებისა და ცოდნის სპეციალისტები ესაჭიროება.

 ეს არის უნიკალური შანსი ახალგაზრდებისთვის, ურთიერთშეჯიბრების პირობებში წარმოაჩინონ საკუთარი თავი და გაიღრმავონ ცოდნა.

(NS) 

ავტორი: ,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა