აჭარის ავტონომიური რესპუბლიკის მთავრობის თავმჯდომარე ზურაბ პატარაძე მოსახლეობას არჩევნებში მხარდაჭერისა და ნდობისათვის მადლობას უხდის.

პატარაძემ მილოცვა Facebook-ის საკუთარ გვერდზე გამოაქვეყნა:

„21 ოქტომბერი - კიდევ ერთი გამარჯვების დღეა. მინდა მთელს საქართველოს მივულოცო, რომ არჩევნები მშვიდობიან და თავისუფალ გარემოში ჩატარდა. ჩვენი მოლოდინები გამართლდა - "ქართული ოცნება დემოკრატიული საქართველო" უპირობო ლიდერია როგორც ქვეყნის, ისე რეგიონის მასშტაბით. მიხარია, რომ საქართველოს მოქალაქეთა უმრავლესობამ მხარი დაუჭირა უკეთეს მომავალს, სწრაფ განვითარებას, ძლიერ რეგიონსა და ძლიერ თვითმმართველობას.

როგორც აჭარის მთავრობის თავმჯდომარემ, მინდა განსაკუთრებული მადლობა გადავუხადო ჩვენი რეგიონის მოსახლეობას ასეთი დიდი ნდობისა და მხარდაჭერისათვის. ეს არის უდიდესი პასუხისმგებლობა და მე მჯერა, რომ ჩვენი კანდიდატები ყველაფერს გააკეთებენ ამ ნდობის გამართლებისა და განმტკიცებისათვის!

21 ოქტომბრის არჩევნები არ არის მხოლოდ ერთი პარტიის გამარჯვება, ეს არის ქართული დემოკრატიის, ჩვენი ქვეყნის, ჩვენი რეგიონის კიდევ ერთი გამარჯვება.

გილოცავთ ყველას ამ მნიშვნელოვან დღეს! ერთად გავაგრძელოთ ბრძოლა ჩვენი რეგიონისა და ქვეყნის საკეთილდღეოდ!", - ნათქვამია ზურაბ პატარაძის განცხადებაში.

(NS)

ავტორი: ,

სოციალური ქსელები

ახალი სახელმწიფო მინისტრი პროკურატურის ფუნქციებს გაიმეორებს - TI

რეჟიმის პატიმარმა გიორგი კუჭუაშვილმა, 2-წლიანი პატიმრობის შემდეგ ციხე დატოვა

ივანიშვილს წარმომადგენელი პაპუაშვილი საერთაშორისო გამჭირვალობას ემუქრება

ფრიდონ ბუბუტეიშვილმა შეწყალებას ხელი მოაწერა – გიორგი რომელაშვილი