„ედისონ რისერჩის“ ეგზიტპოლის შედეგებით, თბილისის მერობის არჩევნებში კახა კალაძე ლიდერობს

2017-10-21 20:05:24, 2492 ნახვა

პოლიტიკა

ეგზიტპოლის მონაცემებით, თბილისის მერობის არჩევნებში კახა კალაძე ლიდერობს

კვლევის თანახმად, 18:00 საათის მონაცემებით, თბილისის მერობის არჩევნებში „ქართული ოცნების“ კანდიდატი კახა კალაძე 54% ლიდერობს.

ეგზიტპოლის თანახმად, მეორე ადგილზე „ნაციონალური მოძრაობის“ კანდიდატი ზაალ უდუმაშვილი 15%; ხოლო მესამე ადგილს იკავებს დამოუკიდებელი კანდიდატი ალეკო ელისაშვილი - 14%.

რაც შეეხება სხვა კანდიდატებს: „ევროპული საქართველოს“ კანდიდატი ელენე ხოშტარია 7%; „პატრიოტთა ალიანსის“ კანდიდატი ირმა ინაშვილი 3%; „დემოკრატიული მოძრაობა - თავისუფალი საქართველო“ კახა კუკავა 3%; „ახალი საქართველოს“ კანდიდატი გიორგი ვაშაძე 2%; „ლეიბორისტული პარტიის“ კანდიდატი გიორგი გუგავა 1%;

„რუსთავი 2“-ის დაკვეთით ეგზიტპოლი ამერიკულმა კომპანიამ „ედისონ რისერჩმა“ ჩაატარა.

პირველადი მონაცემებით, მეორე ტური არ გაიმართება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები