„ნაციონალური მოძრაობის“ ერთი-ერთი ლიდერის ლევან ბეჟაშვილის განცხადებით, თვითმმართველობის არჩევნები დარღვევების ფონზე მიმდინარეობს.

 როგორც ბეჟაშვილმა პარტიაში გამართულ ბრიფინგზე აღნიშნა, დარღვევები ამომრჩეველთა აღრიცხვას და მათი ნების გამოხატვას ეხება.

 „ქალბატონი თამარ ჟვანია დანაშაულებრივი გულგრილობით რეაგირებას არ ახდენს საუბნო კომისიებში მიმდინარე ტოტალურ დარღვევებზე, რომელიც ეხება ამომრჩეველთა აღრიცხვას და მათი ნების გამოვლენის იდენტიფიკაციას. ეს დარღვევები კვლავ გრძელდება მიუხედავად რამდენიმე ათეული საჩივრისა, რომელიც უკვე დაწერილია ამ ფაქტთან დაკავშირებით.

ასევე ამ საკითხთან დაკავშირებით საბურთალოს მეცამეტე უბანზე კომისიის წევრი „ქართული ოცნების“ წარმომადგენელს  მითითებას აძლევდა, თუ როგორ უნდა მოეხდინა აღრიცხვა და ამის დამამტკიცებელ ვიდეო მასალას წარმოგიდგენთ მოგვიანებით.

ასევე ტენდენცია მიიღო და გამოვლინდა რამდენიმე ფაქტი, როდესაც გადასატანი საარჩევნო ყუთის სიაში მყოფი ამომრჩეველი, რომელმაც უკვე დღის განმავლობაში არჩევნებში მიიღო მონაწილეობა, საღამოს პერიოდში კვლავ მიდის უბანზე და განმეორებით აძლევს ხმას. ასეთი ფაქტი დადგენილი არის კრწანისის მეოთხე საუბნო საარჩევნო კომისიაში. სულ კრწანისში ასეთი  42 პირია იდენტიფიცირებული.  ჯანმრთელი ადამიანი, რომელიც წესით და კანონით საარჩევნო კოდექსიდან გამომდინარე არ უნდა ყოფილიყო გადასატან საარჩევნო  ყუთში  და ისინი ცდილობენ განმეორებით მიაღებინონ ამ ადამიანებს მონაწილეობა. ასევე გლდანის მეათე ოლქში, 23-ე უბანზე დაფიქსირდა შეზღუდული შესაძლებლობის მქონე ამომრჩეველი, რომელმაც გადასატანი  ყუთის მეშვეობით მიიღო არჩევნებში მონაწილეობა და საღამოს მიიყვანეს „ქართული ოცნების“ წარმომადგენლებმა ხმის მისაცემად. ჩვენი დამკვირვებლების ძალისხმევით არ მოხდა მისთვის შესაძლებლობის მიცემა, რომ მეორედ მიეღო არჩევნებში მონაწილეობა“,-განაცხადა ბეჟაშვილმა.

ამასთან, ბეჟაშვილის თქმით, თელავში პირი, რომელიც თავს „ნაციონალური მოძრაობის“  კოორდინატორად  ასაღებდა,  „ქართული ოცნების“ წარმომადგენელი აღნოჩნდა.

„ გვინდა გამოვეხმაუროთ მედიაში გავრცელებულ ინფორმაციას თითქოს „ნაციონალური მოძრაობის“  კოორდინატორები ახდენდნენ ზეგავლენას ამომრჩეველზე თელავის ტერიტორიაზე. ჩვენი მონაცემებით გადამოწმდა და ის ადამიანი, რომელიც ასაღებდა თავს „ნაციონალური მოძრაობის“ კოორდინატორად  ჰქონდა შესაბამისი სია, აღმოჩნდა რომ არის  „ქართული ოცნების“ კოორდინატორი“,-დასძინა ბეჟაშვილმა.

ავტორი: ,

სოციალური ქსელები

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ