ამერიკელმა მილიარდერმა და ქველმოქმედმა ჯორ სოროსმა საკუთარი კაპიტალის 80%, რაც 18 მილიარდ დოლარს შეადგენს, ფონდს "ღია საზოგადოება"-ს გადასცა, - ამის შესახებ The New York Times იუწყება. 

მედია საშუალების ინფორმაციით, ეს ყველაზე დიდი შემოწირულებაა, რაც კი სოროსს ერთი კერძო ფონდისთვის მიუცია.

მედიის ცნობით, აღნიშნული ტრანსფერი სოროსმა ჯერ კიდევ რამდენიმე წლის წინ განახორციელა, თუმცა ამის შესახებ მხოლოდ გუშინ გახდა ცნობილი. ამით, ფონდმა ამერიკის მასშტაბით, ბილ გეითსის ფონდის შემდეგ მეორე ადგილი დაიკავა. 

ცნობისთვის, ფონდი "ღია საზოგადოება", რომელიც ჯორჯ სოროსმა 30 წლის წინ დააარსა, დემოკრატიისა და ადამიანის უფლებების კუთხით 120 ქვეყანაში მუშაობს. ბოლო პერიოდის განმავლობაში ფონდი ძალიან დიდ ყურადრებას აქცევს ამერიკიაში გეებისა და ლესბოსელების უფლებების დაცვას. 

აშშ-ში სოროსი არა ერთხელ გამხდარა კრიტიკის ობიექტი რესპუბლიკური პარტიის, ულტრამემარჯვენე ორგანიზაციებისა და პოლიტიკოსების მხრიდან, რადგან ქვეყნის პრეზიდენტობის ყოფილ კანდიდატს და დემოკრატიულ პარტიას შემოწირულობების სახით ეხმარებოდა. 

როგორც გამოცემა წერს, სექტემბრის დასაწყისში 80 ათასზე მეტმა ამერიკელმა სოროსის ტერორისტად გამოცხადებაც კი მოითხოვა.

ჯორჯ სოროსის წინააღმდეგ კამპანიები ამერიკის გარდა,მსოფლიოს სხვა ქვეყნებშიც მიმდინარეობს. ასე მაგალითად, 13 ივნისს უნგრეთის პარლამენტმა მიიღო კანონი, რომელიც უცხოური დაფინანსების მქონე არასამთავრობო ორგანიზაციებზე კონტროლს ამკაცრებს. უპირველეს ყოვლისა, ეს ეხება იმ ორგანიზაციებს, რომელთაც მხარს უჭერს ჯორჯ სოროსი. 

ცნობისთვის, ფონდი "ღია საზოგადოება საქართველოშიც" მუშაობს. გარდა ამისა, სოროსის წინააღმდეგ "ქართველთა მარშის" წევრებიც გამოდიან და სოროსის მიერ დაფინანსებული ფონდების დახურვას ითხოვენ. 

ავტორი: ,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია