ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე მიუნხენის უსაფრთხოების კონფერენციის თავმჯდომარის მოადგილეს შეხვდა.

როგორც მინისტრმა ჟურნალისტებს განუცხადა, მსგავსი შეხვედრები ორმხრივი ურთიერთობებისთვის ძალიან მნიშვნელოვანია.

დოლიძის განმარტებით, მიუნხენის უსაფრთხოების კონფერენცია შესაძლებლობას იძლევა, საქართველოსთვის სტრატეგიულად მნიშვნელოვანი საკითხების დაფიქსირებას.

"მოგეხსენებათ, რომ მიუნხენის კონფერენცია არის ერთ-ერთი ყველაზე დიდი უმაღლესი დონის თავყრილობები, მათ შორის სახელმწიფო მეთაურების დონეზე. კონფერენციაზე 450-ზე მეტი ადამიანი იკრიბება ხოლმე და აქ, გვაქვს საშუალება აკადემიურ წრეებთან, ექსპერტებთან და სახელმწიფო მოღვაწეებთან საქართველოსთვის სტრატეგიულად მნიშვნელოვანი საკითხები დავაფიქსიროთ. მნიშვნელოვან საკითხებში მოიაზრება ტერიტორიული მთლიანობა, უსაფრთხოება, საგარეო პოლიტიკის პრიორიტეტები და ინტეგრაციული საკითხები. ამიტომ გვინდა, რომ გავაფართოვოთ ეს თანამშრომლობა ყველა შესაძლო მიმართულებით. როგორც გითხარით ეს შესაძლოა იყოს როგორც აკადემიური თანამშრომლობა, ასევე თანამშრომლობა ექსპერტებთან", - განაცხადა ვიქტორ დოლიძემ.

მინისტრმა ასევე ბათუმში გამართულ თავდაცვისა და უსაფრთხოების კონფერენციასთან გაავლო პარალელი.

"ბათუმის კონფერენცია უკვე ბრენდად იქცა. სწორედ ამის ფარგლებში გვსურვს კიდევ უფრო მეტად ვითანამშრომლებთ მიუნხენის კონფერენციასთან და შესაძლოა, რაღაც ერთგვარ თანასპონსორობაზეც ვიფიქროთ. როგორც ამას მაგალითად, სლოვაკ მეგობრებთან ერთად ვაკეთებთ", -  დასძინა სახელმწიფო მინისტრმა.

(NS)

ავტორი: ,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია