2017-10-14 11:56:03, 1939 ნახვა

---

სოფლის მეურნეობის სამინისტრო ცხინვალის რეგიონის გამყოფ ხაზთან საირიგაციო სისტემის მოწყობის პროექტს ახორციელებს

სოფლის მეურნეობის სამინისტროს შპს „საქართველოს მელიორაცია” ცხინვალის რეგიონის გამყოფ ხაზთან მდებარე მერეთის თემის სოფლების სავარგულების სარწყავი წყლით უზრუნველყოფის მიზნით, საირიგაციო სისტემის მოწყობის პროექტს ახორციელებს.

პროექტის ფარგლებში მდინარე პატარა ლიახვზე გაკეთდა გვერდითი წყალაღების სათავე ნაგებობა; აშენდა ოთხი  სატუმბი სადგური; მოეწყო 2 კილომეტრი სიგრძის მაგისტრალური არხი და წყალგამშვები კვანძები. ამ ეტაპზე მიმდინარეობს ელექტრო მექანიკური მოწყობილობების მონტაჟი.
ახალი საირიგაციო ქსელით გორის მუნიციპალიტეტის 4 სოფლის - მერეთის, გუგუტიანთკარის, ზარდიაანთკარისა და კოშკას  282 ჰექტარი სასოფლო-სამეურნეო მიწის ფართობი გახდება წყალუზრუნველყოფილი.   

პროექტი, რომლის ღირებულებაც 1 700 000 ლარს შეადგენს,  2017 წლის ბოლოსთვის დასრულდება.
2012 წლიდან შიდა ქართლის რეგიონში განხორციელდა სამელიორაციო ინფრასტრუქტურის   45 სარეაბილიტაციო პროექტი. შედეგად, წყალუზრუნველყოფილი მიწის ფართობი რეგიონში  20 855 ჰექტრამდეა გაზრდილი. 

(NS)

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი