პრეზიდენტის საპარლამენტო მდივნის ანა დოლიძის განცხადებით, პარლამენტის მიერ  პრეზიდენტის მოტივირებული  შენიშვნების გაზიარების შემთხვევაში, ქვეყანა  უარესზე უკეთეს დოკუმენტს მიიღებს.

ამ განცხადებით დოლიძემ ფრაქცია „ქართული ოცნების“ თავმჯდომარის  მამუკა მდინარაძის შეკითხვას უპასუხა. კერძოდ, მდინარაძე დაინტერესდა, ვეტოს გაზიარების შემთხვევაში იტყოდა თუ არა, რომ საქართველოს კარგი კონსტიტუცია ექნება. დოლიძის განცხადებით,  კონსტიტუცია პრეზიდენტს რომ დაეწერა, სულ სხვანაირი იქნებოდა. ანა დოლიძე ამბობს, რომ იყო რამდენიმე საკითხი, რომელიც პრეზიდენტმა მოტივირებულ შენიშვნებში არ შეიტანა, რადგან სურდა, კომპრომისული დოკუმენტი შემუშავებულიყო:

„რა დოკუმენტი იქნება ჩვენს წინაშე, თუ საქართველოს პარლამენტი მიიღებს ამ მოტივირებულ შენიშვნებს. რას დავარქმევთ მას. ეს იქნება უარესზე უკეთესი დოკუმენტი. ეს კონსტიტუცია პრეზიდენტს რომ დაეწერა, ის იქნებოდა სულ სხვანაირი კონსტიტუცია, ოპოზიციის მიერ 20 სექტემბერს შექმნილ დოკუმენტში ჩამოთვლილი იყო ბევრად მეტი საკითხი, რომელზეც ოპოზიცია იყო შეთანხმებული. მაგალითად, საკითხი, რომელიც არ არის მოტივირებულ შენიშვნებში, რომელიც სახელმწიფოსთვის მნიშვნელოვანია, ეს  არის დამოუკიდებელი სასამარრლო. დამოუკიდებელი სასამრთლო ვერ იქნება, თუ ჩვენ არ გვეყოლება უვადოდ დანიშნული მოსამართლეები უზენაეს სასამართლოში“,-აღნიშნა ანა დოლიძემ.

ავტორი: ,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია