„დღეიდან პუშკინის სკვერი არის ბიძინა ივანიშვილის გარაჟი, ბოტანიკური ბაღი კი, მისი პირადი ბოსტანი“, - ამის შესახებ "ნაციონალური მოძრაობის" თბილისის მერობის კანდიდატმა ზაალ უდუმაშვილმა ჟურნალისტებს აქციის დასასრულების შემდეგ განუცხადა.

უდუმაშვილის ინფორმაციით, დაკავებულია 10-მდე მათი თანამებრძოლი და ამ დროისთვის მათი ადგილსამყოფელის დადგენა ვერ ხერხდება.

"ის ადგილი სადაც ჩვენ ახლა ვიმყოფებით, აღარ არის პუშკინის სკვერი. თბილისის საკრებულოს უმრავლესობის გადაწყვეტილებით, ამ ადგილს დღეიდან ჰქვია - ბიძინა ივანიშვილის პირადი გარაჟი. დიახ, გარაჟი, რადგან მას სავარაუდოდ ავტოფარეხის მნიშვნელობა არ ესმის. ეს გადაწყვეტილება მიიღო თბილისის საკრებულოს სამარცხვინო უმრავლესობამ და რის ხარჯზე? რა ხდებოდა დღეს საკრებულოს შენობის წინ? საერთოდ გამოკეტეს ყველაფერი, შეიყუჟნენ შიგნით, გამოყარეს ჩვენი დეპუტატები და მათ შორის ძალის გამოყენებით. ჩვეულებრივი ანგარიშსწორება იყო აქციაზე. დაკავებულია 10-მდე ჩვენი თანამებრძოლი. ჩვენ ვცდილობთ მათი ადგილსამყოფელის დადგენას, მაგრამ ჩვენ კი არა, სახალხო დამცველის აპარატის წარმომადგენლებსაც კი, უჭირთ", - განაცხადა უდუმაშვილმა და დასძინა, რომ ომბუდსმენის აპარატის წარმომადგენლები კოტე იოსელიანთან დაკავშირებას ცდილობენ.

ამასთან, უდუმაშვილის თქმით, საკრებულოს შენობა "დღეს იყო პოლიციის იზოლატორი და არა თვითმმართველობის ორგანო".

"არავის ეგონოს, რომ ამით ბრძოლა დასრულდა. დღეს ვერ მივაღწევთ გამარჯვებას, ხვალ აუცილებლად გამოვა. აუცილებლად დავიბრუნებთ თბილისის დაკარგულ ტერიტორიებს. ვაანონსებ შაბათს, 14:00 საათზე რუსთაველის მეტროსთან ფართომასშტაბიან აქციას. ბრძოლა არ დასრულებულა", - განაცხადა უდუმაშვილმა.

ავტორი: ,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო