ერაყის არმიამ ISIS-სგან ქალაქი ჰავიჯა გაათავისუფლა, რომელიც ტერორისტების ბოლო საყრდენი იყო

2017-10-05 12:31:42, 2245 ნახვა

მსოფლიო

ერაყის არმიამ კირკუკის პროვინციაში მდებარე ქალაქ ჰავიჯაზე კონტროლი დაამყარა, რომელიც დაჯგუფება "ისლამური სახელმწიფოს" ბოლო საყრდენი იყო ქვეყნის სამხრეთ ნაწილში, - ამის შესახებ BBC იუწყება.

სამხედროების ინფორმაციით, სპეცოპერაციის დროს ISIS-ის 196 ბოევიკი მოკლეს.

ამასთან, მათივე თქმით, 98 სოფლის გათავისუფლება მოხერხდა.

მედიის ცნობით, ტერიტორია, რომელზეც ათასობით მშვიდობიანი მოსახლე ცხოვრობს, 2014 წლიდან ტერორისტების კონტროლის ქვეშ იყო.

სპეცოპერაციის შემდეგ, ტერორისტების კონტროლის ქვეშ ერაყის მხოლოდ ერთი რეგიონი რჩება, რომელიც სირიის საზღვართან ახლოს მდებარეობს.

გარდა ამისა, სამშაბათს, ერაყის არმიამ განაცხადა, რომ საავიაციო ბაზის ტერორისტებისგან გათავისუფლება მოხერხდა. ISIS ბაზას სასწავლო ბანაკად იყენებდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები