„ნაციონალური მოძრაობის“ წევრი ლევან ხაბეიშვილი თბილისის პროკურატურაში გამოკითხვაზე იმყოფება. 

საგამოძიებო უწყებაში ის ადვოკატთან ერთად მივიდა. ხაბეიშვილი ირწმუნება, რომ დედაქალაქის მერიასთან მიმდინარე აქციის დროს,  მას ფიზიკურად გაუსწორდნენ. მისივე თქმით, აღნიშნულის დამადასტურებელი ვიდეოკადრები არსებობს:

„ვიდეო იწყება სკამიდან, სკამამდე ხომ მივედი, რატომ წამომაწვინეს, რატომ მეუბნებიან, რომ სასწრაფოს იძახებენ, რატომ მეუბნებიან, რომ ცუდად ვარ და დარჩენა არის საჭირო, მე ვუთხარი, რომ თქვენი არაფერი მინდა, თუ დამაკავეთ, დამაკავეთ, თუ არადა გამიშვით. კარგად ჩანს, რომ ვეუბნები- დარტყმის გარეშე-მეთქი. ყველა პირის იდენტიფიცირება შემიძლია. მათ შორის, ვიდეოზე შავით თეთრზე კარგად ჩანს, ვინ გამომიყვანა უკანონოდ, რომელიც არის უსაფრთხოების თანამშრომელი და რა უფლება აქვს, შენობის გარეთ აკავებდეს მოქალაქეს და შეაგდოს შემდეგ მერიაში, რა ქაჯობა მოაწყვეს, არ ვიცი“,-განაცხადა ლევან ხაბეიშვილმა.

ხაბეიშვილის გამოკითხვის შემდეგ გაირკვევა, აღიძრება თუ არა საქმე მომხდართან დაკავშირებით და რა სამართლებრივი მსვლელობა მიეცემა მას.

შეგახსენებთ, თბილისის მერიასთან გამართულ აქციაზე სამართალდამცველებმა 6 პირი დააკავეს.

შინაგან საქმეთა სამინისტროს ინფორმაციით,  ისინი ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებული, რაც წვრილმან ხულიგნობას და პოლიციის კანონიერი მოთხოვნისადმი დაუმორჩილებლობას გულისხმობს.

ავტორი: ,

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია